Murat Dikmən: "Amil Həmzəyevin öz təcrübəsini ortaya qoyması..."
Bu gün Azərbaycan Basketbol Liqasında yeni mövsümünün 1-ci turunun növbəti oyunu keçirilib.
"Football-plus.az" xəbər verir ki, günün yeganə qarşılaşmasında “Neftçi” “Xəzri”ni qəbul edib. “Sərhədçi” İdman Kompleksinda baş tutan görüşdə qonaqlar qalib gəlib - 73:80 (13:15, 23:22, 16:25, 21:18 ).
Oyundan sonra "Xəzri"nin türkiyəli baş məşqçisi Murat Dikmən fikirlərini "Football-plus.az"la bölüşdü:
"Əvvəlcə rəqibimiz olan "Neftçi"ni təbrik edirəm. Çox yaxşı çıxış elədilər. Oyunumuza gəlincə, ilk çeyrəkdə matçı əlimizə alsaq da, ikinci hissədə bunu qoruya bilmədik. Lakin son çeyrəkdə Amil Həmzəyevin öz təcrübəsini ortaya qoyması və müdafiədə etdiyimiz dəyişikliklər oyunun taleyini dəyişdi. Şükür ki, qələbə qazandıq. Oyunçularımı təbrik edirəm. Bu gün azarkeşlər də möhtəşəm idi. Onlara da təşəkkür edirəm".
Xatırladaq ki, turun ilk matçında “Cəlilabad” “Sərhədçi”yə 76:86 hesabı ilə uduzub. Sabah isə daha iki görüş keçiriləcək. Belə ki, 15.00-da "NTD-İndiqo" - "Sumqayıt"ı, 18:00-da isə “Xırdalan” isə “Şəki”ni qəbul edəcək. Tura oktyabrın 29-da ötən mövsümün final seriyasında çıxış edən Sabah” - "Gəncə" görüşü ilə yekun vurulacaq.
CAVİD ƏLİYEV
Digər xəbərlər
