“Son oyunlarda uduzmağımızın xüsusi səbəbi yoxdu. Futbolda bəzən belə hallar yaşanır. Əlbəttə, azarkeşlərimiz bizdən daha çoxunu gözləyir və onların istəklərinə müsbət qarşılıq vermək üçün əlimizdən gələni edirik. Bütün matçlara qələbə əzmiylə çıxıb sona qədər mübarizə aparırıq. Bu, rəqibin kimliyindən asılı olmayaraq, həmişə belə olacaq. “Qarabağ”ı məğlub etdikdən sonra eyforiyaya qapıldığımızı deyənlərlə qətiyyən razılaşmıram. Çünki bütün komandalardan 3 xal almaq üçün meydana çıxırıq. Nəticə bizi o qədər də təəccübləndirmir. Əziyyət çəkib, sonda bəhrəsini görürük. Azər müəllimlə münasibətlərimiz yaxşıdı. Hansısa problemdən söhbət gedə bilməz. Şükür Allaha, mehribanıq. Hər futbolçu var gücüylə çalışıb verilən tapşırıqlara əməl edir”.

“Sumqayıt”la matçdan öncə zəhərlənmişdim. Start heyətində olmamağımın səbəbi bu idi. Özümü yaxşı hiss etmirdim. “Kəpəz”lə matçda isə Azər müəllim məni əvəzlədi. Əlbəttə, baş məşqçimizin qərarlarına hörmətlə yanaşıram. Bu addımı atıbsa, deməli, bildiyi nəsə var. Hədəflərim dəyişməyib. Bombardirlər siyahısının yuxarı pillələrində qərarlaşmaq niyyətindəyəm”.