“Kəpəz”lə matç çətin idi. Rəqibin ev oyunlarında ciddi təzyiq göstərəcəyini bilirdik. Buna baxmayaraq, çox yaxşı hazırlaşıb meydana qələbə üçün çıxmışdıq. 2 qol vurdum. Təbii ki, sevindirici haldı. Daha çox qol vurmağa çalışacam. Daha əvvəl də Futbol+”ə bombardirlər siyahısında yer almaq istədiyimi demişdim... Elvis Maşikeylə əvəzləndim. Bu, baş məşqçimin qərarı idi. O istəsə, sonuncu dəqiqəyə qədər mübarizə aparmağa hazır idim... “Kəpəz” azarkeşlərinin nə dediklərini anlamırdım. Ümumiyyətlə, tribunadan gələn səslərə fikir vermirdim. Komandaları məğlub durumda olduğu üçün çox söz deyə bilərlər. Mən meydana futbol oynamağa çıxmışdım. İşim yaxşı çıxış etmək, qollar vurmaqdı. Başqa məsələlər o qədər də önəmli deyil”.