Bu gün futzal üzrə yüksək liqada 8-ci tura start verilib.

"Football-plus.az" xəbər verir ki, “Olimpik Star”da 3 oyun keçirilib.

İlk matçda “Baku Fire” “Araz-Naxçıvan”la üz-üzə gəlib. Nominal meydan sahibləri mövsüm ərzində liderlə ikinci dəfə qarşılaşıb. Xatırladaq ki, ilk matçda “sülh” (2:2) qeydə alınmışdı.

İkinci görüşdə “Neftçi” İK “Record club”u sınağa çəkəcək. Hacıbala Abdullazadənin yetirmələri ötən tur lideri məğlub edib. Bu üzdən meydana əlavə motivasiya ilə çıxacaqlar. Rəqibin cari mövsümdə zəif təsir bağışladığını nəzərə alsaq, favorit bəllidi. Nominal qonaqlar meydana əlini yanına salmış vəziyyətdə çıxmamalıdı. Belə olan halda, tarixinə növbəti böyükhesablı məğlubiyyət yazıla bilər. “Record club” iddialı kollektivlə mübarizədə daha diqqətli olmalı, sözün əsl mənasında can qoymalıdı.

Tura “Yasamal Bakı” – U-19 qarşılaşmasıyla yekun vurulacaq. Çempionatın debütantı pis başlamayıb. Ən azı nəticələr baxımından həm bugünkü rəqibini, həm də “Record club”u üstələyir. Lakin bu amil komandanı arxayınlaşdırmamalıdı. Hər halda, millimiz yeni mövsüm ərzində qəbələ üzünə həsrətdi. Bəlkə də bu dəfə “şeytanın ayağın qırmaq” mümkün olacaq.

Baku Fire – Araz-Naxçıvan 3:4
23 noyabr. “Olimpik Star”. Saat 13.00.

Neftçi İK – Record club 8:1
23 noyabr. “Olimpik Star”. Saat 15.00.

Yasamal Bakı – U-19 9:9
23 noyabr. “Olimpik Star”. Saat 17.00.

Xal durumu: Araz-Naxçıvan – 19, Neftçi İK – 17, Baku Fire – 15, Yasamal Bakı – 8, Record club – 4, U-19 – 3.

Bombardirlər: Rüstəm Bağırov (Yasamal Bakı) – 14, Tofiq Əliyev (Baku Fire), Kənan Məlikov (Baku Fire) – 11.

KƏNAN BAHADIR