Bu gün futzal üzrə yüksək liqada 7-ci turun oyunları keçiriləcək.

"Football-plus.az" xəbər verir ki, ilk görüşdə “Araz-Naxçıvan” “Neftçi” İK-nı sınağa çəkəcək. Matç nominal qonaqlar üçün çox vacibdi. Hacıbala Abdullazadənin kollektivi liderdən xal qoparmağa çalışmalıdı. Əks halda daha yüksək pillələr uğrunda mübarizədə geri düşəcək. Muxtar Respublika təmsilçisinin də işi asan olmaya bilər. Hər halda, rəqib çempionatın iddialılarındandı. İkinci qarşılaşma “Record club”la “Yasamal Bakı” arasında olacaq. Bu komandalar turnir cədvəlində eyni xala malik olmaqla 4-5-ci yerləri bölüşür. Ev sahibləri qələbə qazansa, yuxarı pilləyə yüksələcək. Qonaqlar isə 3 xalın hesabına 4-cü sıradakı yerini möhkəmləndirmək istəyəcək. Tura U-19 – “Baku Fire” oyunuyla yekun vurulacaq. Yığmamızın durumundan xəbərdarıq. Autsayder hələ də qələbə sevinci yaşamayıb, yenə rəqib favoritdi. İlqar Aslanov yeniyetmələri hələ də dirçəldə bilməyib. “Baku Fire” isə liderlə belə yüksək tonda “danışa bilir”. Lakin mümkünsüz heç nə yoxdu...

Araz-Naxçıvan – Neftçi İK
16 noyabr. “Olimpik Star”. Saat 13.30.

Record club – Yasamal Bakı
16 noyabr. “Olimpik Star”. Saat 15.30.

U-19 – Baku Fire
16 noyabr. “Olimpik Star”. Saat 17.30.

Xal durumu: Araz-Naxçıvan – 16, Baku Fire – 12, Neftçi İK – 11, Yasamal Bakı, Record club – 4, U-19 – 2.
Bombardirlər: Rüstəm Bağırov (Yasamal Bakı) – 13, Reza Abgoun (Neftçi İK) – 10, Tofiq Əliyev (Baku Fire) – 9.

KƏNAN BAHADIR