Bu qrupda son tur üçün demək olar, heç bir intriqa qalmamışdı.

“Football-plus.az” xəbər verir ki, Portuqaliya zatən rəqib tanımırsa, Slovakiya da AÇ-yə vəsiqəni hələ ötən tur rəsmiləşdirmişdi. Yeganə maraq doğuran məqam Portuqaliyanın qrupu maksimum nəticə ilə bitirib-bitirməyəcəyi idi. Bu qrupda rəqiblərindən bir baş üstün olan portuqaliyalılar son matçda İslandiyanı da asanlıqla yendilər. 90 dəqiqə meydanda qalan Kriştiano qol vura bilməsə də, aktivinə məhsuldar ötürmə yazdı. 38 yaşlı superulduz çox yaxşı formadadı və əla performansını davam etdirir. Ronaldo klub və yığma səviyyəsində ardıcıl 9-cu oyunda ya qol, ya da məhsuldar ötürmə ilə fərqlənməyi bacardı! Beləliklə, Portuqaliya seçmə mərhələni maksimum nəticə ilə başa vurdu. Gözlənilmədən bu seçmə mərhələni olduqca zəif keçirən Bosniya və Hersoqovina son oyunda fanatları önündə Slovakiyaya da uduzmağa macal tapdı. Formal xarakter daşıyan digər görüşdə Lüksemburq demək olar bütün oyunu azlıqda keçirməsinə baxmayaraq səfərdə Lixtenşteyni minimal hesabla məğlub etdi. Lüksemburq çox yaxşı performans sərgiləyərək qrupu 17 xalla bitirsə də, bu, AÇ-yə birbaşa vəsiqə üçün kifayət etmədi.

Portuqaliya – İslandiya 2:0 (1:0)

Portuqaliya: Koşta, Mario (Gerreyro, 62), Diaş, İnasio, Kanselo (J.Neveş, 87), Palyinya, Fernandeş, Otavio (Vitinya, 75), B.Silva (Orta, 62), Feliş (Bruma, 87), Kriştiano Ronaldo.

İslandiya: Valdimarsson, Palsson, İnqason, Hermansson, Torarinsson, Qudmundsson, Siqurdsson, Yohannesson (Traustason, 62), Torsteynsson (Qudyonsen, 62), Finnboqason (Oskarsson, 46), Villumsson (Ellertsson, 62).

Qollar: Fernandeş, 62 (1:0). Orta, 66 (2:0).

Vərəqələr: Yohannesson, 28. Torsteynsson, 32. Villumsson, 46. Qudmundsson, 54. Palyinya, 54. Feliş, 84 – sarı.

Hakim: Anastasios Papapetru (Yunanıstan).

19 noyabr. Lissabon. 45655 tamaşaçı.

Bosniya və Hersoqovina – Slovakiya 1:2 (0:0)

Bosniya və Hersoqovina: Piriç, Qazibeqoviç, Qoykoviç, Hacikaduniç, Muyakiç, Başiç, Tsimirot (Zolotiç, 78), Hayradinoviç (Jilkiç, 87), Hamuliç (Vereşanoviç, 87), Demiroviç Prevlyak (Bilbiya, 59).

Slovakiya: Rodak, Pekarik, Şatka, Şkrinyar, Hantsko, Duda (Kadak, 85), Hroşovski, Beneş (Kuçka, 66), Suslov (Yirka, 85), Mak (Tupta, 75), Bojenik (Polievka, 75).

Qollar: Hroşovski, 49-öz qapısına (1:0). Bojenik, 52 (1:1). Şatka, 71 (1:2).

Vərəqələr: Qoykoviç, 35. Başiç, 48. Bojenik, 52. Prevlyak, 59 - sarı. Qoykoviç, 63 – qırmızı (ikinci sarı).

Hakim: Yulian Vaynberger (Avstriya).

19 noyabr. Zenitsa. 3800 tamaşaçı.

Lixtenşteyn – Lüksemburq 0:1 (0:0)

Lixtenşteyn: B.Buxel, S.Volfinger (Bek, 62), Malin, Vizer, Traber (Şlegel, 75), Hofer (Krants, 62), Mayer (Netser, 75), Qoppel, M.Buxel, Hasler (Ospelt, 9), Salanoviç.

Lüksemburq: Moris, Yans (M.Martins, 90), Koraç (Mahmutoviç, 57), Şanot, Karlson, V.Till (Muratoviç, 75), L.Martins, Olesen, S.Till (Bonert, 57), Sinani, Rodriges.

Qol: Rodriges, 69.

Vərəqələr: Vizer, 7. Malin, 69. Mayer, 73 – sarı. Sinani, 5 – qırmızı.

Hakim: Stefani Frappar (Fransa).

19 noyabr. Vaduts. 2241 tamaşaçı.

1. Portuqaliya 10 10 0 0 36-2 30
2. Slovakiya 10 7 1 2 17-8 22
3. Lüksemburq 10 5 2 3 13-19 17
4. İslandiya 10 3 1 6 17-16 10
5. Bosniya və Hers. 10 3 0 7 9-20 9
6. Lixtenşteyn 10 0 0 10 1-28 0