Portuqaliya bu qrupda rəqiblərindən o dərəcədə üstündü ki, hətta AÇ-yə vəsiqəni rəsmiləşdirəndən sonra da darmadağınları davam etdirir.

“Football-plus.az” xəbər verir ki, “avropalı braziliyalılar”ın budəfəki qurbanı heç də zəif heyətə malik olmayan bosniyalılar oldu. Portuqaliya səfərdə oynamasına rəğmən, rəqibə göz açmağa imkan vermədi və hələ fasiləyə qədər 5 qol vurdu. Portuqaliyanın Roberto Martinesin dönəmində möhtəşəm qələbə seriyası davam edir. Əla formada olan Ronaldo da ilk 2 qolu hesabına yazaraq qələbədə mühüm rol oynadı. O, yığma karyerasında vurduğu qolların sayını 127-yə, bu il rəsmi oyunlarda vurduğu qolların sayını isə 40-a çatdırdı. Bu təqvim ilində Kriştianodan çox qol vuran futbolçu yoxdu. Holannın 39, Mbapenin isə 36 qolu var. Ronaldo AÇ-nin seçmə mərhələlərində 42 oyuna 40 qol vurub! Bu, inanılmaz göstəricidi. Çünki 2-ci pillə qərarlaşan irlandiyalı Robbi Kinin hesabında cəmi 23 qol var. Kriştiano peşəkar karyerasında 12-ci dəfə il ərzində ən azı 40 qol həddinə çataraq bu göstəricidə Messini yaxaladı. Qrupun digər matçında Lüksemburq Slovakiyaya çətin anlar yaşatsa da, heç 1 xal da qazana bilmədi. Halbuki Lüksemburq qalib gələcəyi təqdirdə hətta 2-ci pilləyə də yüksələ bilərdi. Bu qələbədən sonra şansını xeyli yaxşılaşdıran Slovakiyaya AÇ-yə vəsiqə üçün növbəti turda evdə İslandiya ilə oyunda heç-heçə də kifayət edəcək.

J qrupu
Bosniya və Hersoqovina – Portuqaliya 0:5 (0:5)
Bosniya və Hersoqovina: Şehiç (Vasil, 72), Dediç, Hacikaduniç, Barişiç (Qoykoviç, 72), Kolaşinaç, Pyaniç, Tsimirot, Demiroviç (Qazibeqoviç, 46), Rahmanoviç (Haciahmetoviç, 46), Stevanoviç (Hamuliç, 65), Ceko.
Portuqaliya: Dioqo Koşta, Dalot, Diaş, İnasio, Kanselo, D.Pereyra, Otavio (J.Neveş, 85), Fernandeş (R.Neveş, 79), Leao (Neto, 65), Feliş (Vitinya, 79), Kriştiano Ronaldo (Jota, 65).
Qollar: K.Ronaldo, 5-p. (0:1). K.Ronaldo, 20 (0:2). Fernandeş, 25 (0:3). Kanselo, 32 (0:4). Feliş, 41 (0:5).
Vərəqələr: Hacikaduniç, 83. Kolaşinats, 88 – sarı.
Hakim: Xəlil Umut Melər (Türkiyə).
16 oktyabr. Zenitsa. 13047 tamaşaçı.
Lüksemburq – Slovakiya 0:1 (0:0)
Lüksemburq: Moris, Yans (Karlson, 88), Jerson, Şanot, M.Martins, L.Martins, K.Martins, Sinani, V.Till (Kurçi, 88), Rodriges, Olesen.
Slovakiya: Dubravka, Pekarik (Dyomber, 90), Vavro, Şkrinyar, Hantsko, Kuçka, Lobotka, Duda (Hroşovski, 88), Suslov, Şrants (Dyuriş, 63), Polievka (Bojenik, 63).
Qol: Dyuriş, 77.
Vərəqələr: V.Till, 26. Yans, 27. Pekarik, 29. Sinani, 74. Bojenik, 80. Suslov, 90. Hroşovski, 90+1. Olesen, 90+3 – sarı.
Hakim: Xose Mariya Sançes (İspaniya).
16 oktyabr. Lüksemburq. 9386 tamaşaçı.
İslandiya – Lixtenşteyn 4:0 (2:0)
İslandiya: Olafsson, Sampsted, Palsson, İnqason, Finnsson, Traustason (Qunnarsson, 80), Villumsson (Anderson, 57), Siqurdsson (Yohannesson, 57), Haraldsson, Tosteynsson (Qudyonsen, 80), Finnboqason (Oskarsson, 57).
Lixtenşteyn: B.Buxel, Mayer (Netser, 71), Markser, Vizer, Traber, Qoppel, Zele, Luçinger (Bek, 75), M.Buxel (Lorents, 71), Hasler (Notaro, 90), Salanoviç (Kindle, 90).
Qollar: Siqurdsson, 22-p. (1:0). Finnboqason, 44 (2:0). Siqurdsson, 49 (3:0). Haraldsson, 63 (4:0).
45+5-ci dəqiqədə Vizer penaltidən yararlana bilməyib (yan).
Vərəqələr: Markser, 51. Zele, 59. Oskarsson, 68 – sarı.
Hakim: Abdulkadir Bitigen (Türkiyə).
16 oktyabr. Reykyavik. 4317 tamaşaçı.
1. Portuqaliya 8 8 0 0 32-2 24
2. Slovakiya 8 5 1 2 11-5 16
3. Lüksemburq 8 3 2 3 8-18 11
4. İslandiya 8 3 1 4 15-10 10
5. Bosniya və Hers. 8 3 0 5 7-14 9
6. Lixtenşteyn 8 0 0 8 1-25 0
16 noyabr: Lixtenşteyn – Portuqaliya, Slovakiya – İslandiya, Lüksemburq – Bosniya və Hersoqovina.
Bombardirlər: Lukaku (Belçika) – 10, K.Ronaldo (Portuqaliya) – 9, Keyn (İngiltərə) –