Bu qrupda ilk iki pilləyə əsas namizıəd sayılan Portuqaliya ilə Slovakiya hesabına növbəti 3 xalı yazdı.

“Football-plus.az” xəbər verir ki, Portuqaliya cəzalı Kriştiano Ronaldosuz oynasa da, Lüksemburqu 9 yerə parçaladı. Halbuki Lüksemburq bu oyuna qədər bu qrupda heç də pis təsir bağışlamırdı. Bu komanda son iki turda səfərdə Bosniyanı və evdə İslandiyanı məğlub etmişdi. Amma nədənsə lüksemburqluların daim Portuqaliya önündə ayaqları əsməyə başlayır. İlk görüşdə də Portuqaliya səfərdə bu rəqibi 6 cavabsız qolla məğlub etmişdi. 9:0 Portuqaliya tarixinin ən böyükhesablı qələbəsidi! Bu rekordun Ronaldosuz qeydə alınması da maraqlı məqamdı. Lüksemburq isə öz antirekordunu təkrarladı. Bu komanda daha öncə 2 dəfə İngiltərəyə bu hesabla uduzmuşdu. Slovakiya Portuqaliya qədər qəddar olmadı və Lixtenşteynin qapısından yalnız 3 top keçirdi. Maraqlıdı ki, Bratislavadakı qarşılaşmada hər üç qol ilk 6 dəqiqəyə təsadüf etdi. Bu seçmə mərhələdə ümidləri doğrultmayan və zəif çıxış edən iki komandanın – İslandiya ilə Bosniya və Hersoqovinanın duelində sevinən meydan sahibləri oldu. Təcrübəli Finnboqasonun qolu islandlara qrupda 2-ci qələbəni qazandırdı.

J qrupu
Portuqaliya – Lüksemburq 9:0 (4:0)
Portuqaliya: Dioqo Koşta, Semedo (Kanselo, 61), Diaş, İnasio, Dalot, D.Pereyra (Neveş, 75), B.Silva (Orta, 61), Fernandeş, Jota, Leao (Otavio, 75), Ramuş (Feliş, 81).
Lüksemburq: Moris, Bohnert (Jerson, 46), Yans, Mahmutoviç, Şanot, (Koraç, 78), Pinto (V.Till, 54), Sançes, L.Martins, Rupil (S.Till, 46), Sinani, Kurçi (Karlson, 46).
Qollar: İnasio, 12 (1:0). Ramuş, 18 (2:0). Ramuş, 34 (3:0). İnasio, 45+4 (4:0). Jota, 57 (5:0). Orta, 67 (6:0). Jota, 77 (7:0). Fernandeş, 83 (8:0). Feliş, 88 (9:0).
Vərəqələr: V.Till, 55. Mahmutoviç, 66. Jerson, 76 – sarı.
Hakim: Con Bruks (İngiltərə).
11 sentyabr. Faro. 18932 tamaşaçı.
Slovakiya – Lixtenştyeyn 3:0 (3:0)
Slovakiya: Dubravka, Tomiç (Pekarik, 69), Qyomber, Şkrinyar, Hantsko (Marko, 86), Beneş, Lobotka (Hroşovski, 77), Duda (Bero, 77), Mak (Tupta, 69), Haraslin, Bojenik.
Lixtenşteyn: Buxel, S.Volfinger (Mayer, 63), Bek, Traber, Malin (Markser, 90), Qoppel, Zele, Vizer, Luçinger (Haas, 90), Fərhat Sağlam (Şlegel, 73), Salanoviç (Netser, 63).
Qollar: Hantsko, 1 (1:0). Duda, 3 (2:0). Mak, 6 (3:0).
Vərəqələr: Vizer, 28. Tomiç, 45+2. Hroşovski, 78. Marko, 87 – sarı.
Hakim: Sander van de Eyk (Niderland).
11 sentyabr. Bratislava. 13679 tamaşaçı.
İslandiya – Bosniya və Hersoqovina 1:0 (0:0)
İslandiya: Runarsson, Sampsted, Palsson, Hermansson, Finnsson, Qudmundsson, Traustason, Villumsson (Finnboqason, 76), Anderson (Tosteynsson, 76), Oskarsson, Haraldsson.
Bosniya və Hersoqovina: Şehiç, Dediç (Çiviç, 86), Miliçeviç, Hacikaduniç, Kolaşinaç, Qazibeqoviç (Menalo, 81), Kruniç, Tahiroviç (Bibliya, 81), Haciahmetoviç (Pyaniç, 81), Demiroviç (Kodro, 67), Ceko.
Qol: Finnboqason, 90+1.
Vərəqələr: Hacikaduniç, 30. Traustason, 70. Miliçeviç, 81 – sarı.
Hakim: Lorens Visser (Belçika).
11 sentyabr. Reykyavik. 5229 tamaşaçı.
1. Portuqaliya 6 6 0 0 24-0 18
2. Slovakiya 6 4 1 1 8-2 13
3. Lüksemburq 6 3 1 2 7-16 10
4. Bosniya və Hers. 6 2 0 4 5-9 6
5. İslandiya 6 2 0 4 10-9 6
6. Lixtenşteyn 6 0 0 6 1-19 0
13 oktyabr: Portuqaliya – Slovakiya, İslandiya – Lüksemburq, Lixtenşteyn – Bosniya və Hersoqovina.
Bombardirlər: Lukaku (Belçika) – 8, Maktominey (Şotlandiya), Höylunn (Danimarka) – 6.