"Bəzən bunu yaxşı bacarırıq" - Əkbər Məmmədov
Dünən basketbol üzrə ölkə çempionatının 4-cü turunda "NTD-İndiqo" mövsümə məğlubiyyətsiz başlayan "Xəzri"ni səfərdə məğlub etdi - 71:86.
Oyunla bağlı fikirlərini xaçmazlıların üzvü Əkbər Məmmədov "Futbol+"lə bölüşdü:"Bir neçə nüansları çıxsaq, oyun demək olar ki, istədiyimiz kimi keçdi. Rəqibi yaxşı analiz etmişdik. Sonda da qalib gəldik. Növbəti matç "Xırdalan"a qarşıdı. Bu komanda ilə mövsüm öncəsi hazırlıq görşündə qarşılaşmışdıq. Düzdü, o görüşdə mən zədəli olduğum üçün oynamamışdım. Amma yenə də qarşılaşmaya ciddi hazırlaşacağıq. Hazırda kollektivdə ab-hava əladı. Məqsədimiz məşqlərdə göstərdiyim performansı oyun zamanı da meydanda ortaya qoymaqdı. Bəzən bunu yaxşı bacarırıq, bəzən də yox. Məncə, bunun 60 faizini edə bilmişik. İnşallah, gələcək oyunlarda daha yaxşı olacağına inanıram".
CAVİD ƏLİYEV
Digər xəbərlər
