Basketbol üzrə ölkə çempionatının 1-ci turu arxada qaldı.

"Football-plus.az" xəbər verir ki, “Cəlilabad” səfərdə “Sərhədçi”ni, debütant “Xəzri” “Neftçi”ni, “NTD-İndiqo” “Sumqayıt”ı, “Xırdalan” “Şəki”ni və nəhayət, “Sabah” “Gəncə”ni məğlub etməyi bacardı. Sizi texniki nəticələrlə tanış edirik.

Sərhədçi – Cəlilabad 76:86 (10:26, 31:43, 60:55, 76:86)
Xəzri – Neftçi 73:80 (13:15, 23:22, 16:25, 21:18)
Xırdalan – Şəki 102:78 (23:16, 32:21, 22:22, 25:19)
NTD-İndiqo – Sumqayıt 97:79 (30:17, 23:24, 22:17, 22:21)
Gəncə - Sabah 74:115 (18:28, 18:34, 23:27, 15:26)

“Xırdalan” – “Şəki” oyunundan sonra meydan sahiblərinin türkiyəli baş məşqçisi Uğur Özdəmir “Football-plus.az"ın bəzi suallarını cavabladı.

- Oyunla bağlı təəssüratınız maraqlıdı.
- “Şəki” ötən mövsümdən fərqli bu il yenilənib. Həmçinin də rəqib haqda ətraflı məlumatıımız yox idi. Lakin komandam hər vəziyyətə hazırlaşmışdı. İlk yarıda rəqib zona hücumunda yaxşı performans göstərdi. Ancaq ikinci çeyrəkdə oyunu ələ ala bildik. Bütün oyunçularımdan məmnunam. Bu matçın mənim üçün önəmli tərəfi də gənc yerli basketbolçulara şans verməyim oldu.

- Boş tribunalar önündə oynamaq sizi təəccübləndirmədimi?
- Təbii ki, daha çox azarkeşin tribunalardan olmasını istəyərik. Biz ötən mövsüm dolu tribunalar önündə də oynamışıq. Azarkeşlərə yaxşı basketbol izlətməyə davam etsək, onlar da arenaları dolduracaqlar. Həmçinin də mövsüm yeni başlayıb və bəzi adamların bundan xəbəri yoxdu. Amma zamanla bu şeylərin düzələcəyinə inanıram.

- Bu mövsüm hədəfləriniz nədi?
- Hədəfimiz ilk növbədə pley-offa vəsiqə qazanmaqdı. Yarımfinal və daha sonra final oynamaq istəyirik.

“Şəki”nin baş məşqçisi Aleks Ovoyço Ujoh da bəzi suallarımız cavabladı.

- Məğlubiyyətinizin səbəbi nədi?
- Rəqibi təbrik edirəm. Yaxşı mübarizə apardılar. Məğlubiyyətin səbəbi müdafiədə zəif çıxış etməyimiz və atışlarımızın səbətə düşməməsi idi.

- Trubunaların boş olması sizi təəccübləndirdimi?
- Xeyr, təəccüblənmədim. Hələ mövsüm yeni başlayıb. Səbəb budu. Qarşidaki oyunlarda arenaların dolu olacağına inanıram.

- Növbəti turda doğma meydanda “Sərhədçi” ilə qarşılaşacaqsız. Bu oyun barədə nə deyə bilərsiz?
- “Xırdalan”la oyunda etdiyimiz səhvləri təkrarlamaq olmaz. Bunun üçün də yaxşı hazırlaşmalıyıq. Rəqibin oyununa da baxmışam. Onlar da bizim kimi müdafiədə səhv edirlər və top atışlarında dəqiq deyirlər. İndi müdafiə və hücum üzərində işləyəcəyik.

- Bu mövsüm komandanın məsqsədi nədi?
- Yaxşı komanda qurmaqdı. İstəyirəm ki, bu kollektiv rəqiblərə meydan oxusun.

Növbəti turun proqramı belədi:
1 noyabr
Xəzri – Gəncə
“Sərhədçi” İdman Mərkəzi. Saat 19.30.

3 noyabr
Sumqayıt – Xırdalan
Sumqayıt, Olimpiya İdman Kompleksi. Saat 18.00

4 noyabr
Cəlilabad – Neftçi
Cəlilabad Olimpiya İdman Kompleksi. Saat 14.00.

5 noyabr
Şəki – Sərhədçi
Şəki, Olimpiya İdman Kompleksi. Saat 12.00.

Sabah – NTD-İndiqo
“Sərhədçi” İdman Mərkəzi. Saat 19.30.