"İki güclü klubu məğlub etmək gözəl hissdi" - Murat Dikmən
Dünən basketbol üzrə ölkə çempionatında 2-ci tura start verilib. İlk turda "Neftçi"yə qalib gəlməyi bacaran debütant "Xəzri" bu dəfə də meydanı qələbə ilə tərk edib. Murat Dikmənin çalışdırdığı komanda "Sərhədçi" İdman Mərləzində keçirilən qarşılaşmada "Gəncə"ni məğlub edib - 93:76 (25:18, 27:21, 27:23, 14:14).
Oyundan sonra "Xəzri"nin baş məşqçisi Murat Dikmən fikirlərini "Football-plus.az"la bölüşdü:
"Gəncə"ni və baş məşqçini göstərdikləri oyuna görə təbrik edirəm. İki güclü klubu məğlub etmək gözəl hissdi. Əskiklərimiz var, amma gələcəkdə daha da yaxşı olacağıq. Artıq həm çempionatda, həm də kubokda özümüz üçün hədəflərimiz var. Burdakı yerli təcrübəli oyunçuların sayəsində daha da yaxşı olacağımızı düşünürəm. Məni narahat edən bir məqam odu ki, rəqibə 15 cərimə atışı qazandırdıq. Bunun üstündə işləyəcəyik. Növbəti turda Cəlilabad səfərinə yollanacağıq. Məqsədimiz qələbədi".
Turun növbəti oyunları noyabrın 3-5-i aralığında keçiriləcək:
3 noyabr
Sumqayıt – Xırdalan
Sumqayıt, Olimpiya İdman Kompleksi. Saat 18.00.
4 noyabr
Cəlilabad – Neftçi
Cəlilabad, Olimpiya İdman Kompleksi. Saat 14.00.
5 noyabr
Şəki – Sərhədçi
Şəki, Olimpiya İdman Kompleksi. Saat 12.00.
Sabah – NTD-İndiqo
“Sərhədçi” İdman Mərkəzi. Saat 19.30.
CAVİD ƏLİYEV
