“Fikrimcə, müdafiədə daha aqressiv oynamalıyıq” – uddu və belə dedi
Dünən basketbol üzrə ölkə çempionatının 1-ci turunda "Xırdalan" nominal ev sahibi kimi "Şəki"ni qəbul etdi.
Görüş Abşeron təmsilçisinin qələbəsi ilə başa çatdı - 102:78 (23:16, 32:21, 22:22, 25:19).
Bu görüşlə bağlı xırdalanlıların üzvü Fikrət Ələkbərov fikirlərini "Football-plus.az" saytı ilə bölüşdü:
"Maraqlı oyun oldu. Bir aydan çox idi mövsümə hazırlaşırdıq. Şükürlər olsun, qələbə ilə başladıq. Fikrimcə, müdafiədə daha aqressiv oynamalıyıq və müdafiə ribaundlarına çox fikir verməliyik. Bunları oyunumuza əlavə etsək, daha da yaxşı komanda olacağıq. Kollektivdə əhval-ruhiyyə çox yaxşıdı. İnşallah, hələlik ilk məqsədimiz play-offa qalmaqdı. Bundan sonra addım-addım finala getməyi hədəfləyirik".
CAVİD ƏLİYEV
