Luis Diasın ölkəsinin hüquq-mühafizə orqanları başda olmaqla hüquq müdafiəçisi olan bütün təşkilatlara müraciəti cavabsız qalmayıb. Artıq onun ailəsi ilə bağlı problem aradan qaldırılıb.

“Football-plus.az” xəbər verir ki, “Liverpul”un yarımmüdafiəçisi ötən həftənin əvvəlində atasının Kolumbiyada girov götürülməsi ilə bağlı bəyanat yaymışdı. Xatırladaq ki, 26 yaşlı futbolçunun valideynləri oktyabrın 28-dən 29-na keçən gecə Kolumbiyadakı yanacaqdoldurma məntəqəsində qaçırılmışdı. Luisin anası hadisədən bir neçə saat keçəndən sonra xilas edilmiş, atası isə girov kimi saxlanılmışdı. Futbolçu sosial şəbəkə hesabı vasitəsilə hüquq-mühafizə orqanlarından atasını qısa zamanda azad etmələrini xahiş etmişdi. O, beynəlxalq qurumlara da müraciət etmişdi.
Luisi “Milli azadlıq ordusu” qruplaşmasının üzvləri sevindiriblər. “Röyters” agentliyinin məlumatında yalnız onun atasının azadlığına qovuşduğu bildirilib.