''Qalatasaray''ın dünən ''Hatayspor''a uduzduğu matçın ardından Jozef de Souza diqqətçəkən bir paylaşım edib.

Braziliyalı yarımmüdafiəçi hazırda ''Hatayspor''u çalışdıran sabiq komanda yoldaşı Volkan Dəmirəl ilə birlikdə olan şəklini paylaşaraq ''Bravo Volki. Birlikdə'' sözünü yazıb. 34 yaşlı futbolçu daha öncə 2015-19-cu illərdə Volkanla birlikdə ''Fənərbaxça''da top qovub. 2020-ci ildən ötən mövsümün qış fasiləsinə qədər isə ''Beşiktaş''ın şərəfini qoruyub. Hazırda karyerasını Çin təmsilçisi ''Beytsin Qoyan''da davam etdirən ''sambaçı'' ilk dəfə deyil ki, ''Qalatasaray''a ilişir. O, 9-cu turda ''Beşiktaş''ın səfərdə ''Qalatasaray''a 1:2 uduzduğu oyundan sonra ''Penaltisaray'' paylaşımı ilə diqqət çəkmişdi. Həmin derbidə ''Qalatasaray''ın qələbə qolunu İkardi məhz penaltidən vurmuşdu.