“Real”ın qapıçısı Kepa Arrisabalaqa qeyri-müəyyən müddətə sıradan çıxıb.

"Football-plus.az" xəbər verir ki, ispaniyalı futbolçu Çempionlar Liqasının qrup mərhələsinin 4-cü turunun “Braqa” ilə oyunundan (3:0) əvvəl isinmə hərəkətləri edərkən zədə alıb. Onun vəziyyətinə geniş mayinədən sonra aydınlıq gələcək.

Qeyd edək ki, “Real”ın əsas qapıçısı Tibo Kurtua da zədəlidi və bu səbəbdən uzun müddət oynamayacaq. Buna görə də əsas komandada sağlamlıq problemi olmayan yalnız bir qapıçı - Andrey Lunin qalıb. Növbəti oyunlarda qapını məhz 24 yaşlı əlcək sahibi qoruyacaq.