Elşad Quliyev 4-cü yeri yaxşı nəticə sayır
Birləşmiş Ərəb Əmirliklərinin Ras Əl-Xayma şəhərində keçirilən minifutbol üzrə dünya çempionatı başa çatıb.
"Football-plus.az" xəbər verir ki, Azərbaycan yığmasının yarımfinalda Qazaxıstana 2:3 hesabıyla uduzduğunu xəbər vermişdik. Elşad Quliyevin rəhbərlik etdiyi komanda, təəssüf ki, şənbə günü 3-cü yer uğrunda oyunda Macarıstanla da bacarmayıb – 1:3.
Turnirə qalib olmaq ümidi ilə yollanan Avropa çempionları heç 3-cü yeri də tuta bilmədi. Artıq vətənə qayıdan komandanın baş məşqçisi Eışad Quliyev son uğursuzları belə izah etdi:
"İlk dəfə dünya cempionatında çıxış edirdik. Biz hamıdan çox istəyirdik ki, finalda oynayaq. Amma alınmadı. Komanda kimi hələ böyüməyə ehtiyacımız var. Ümumi götürəmdə futbolçularımın çıxışından razı qaldım. Düşünürəm ki, debüt üçün yaxşı nəticədi".
Yığma BƏƏ-yə yola düşərkən baş məşqçi Bəxtiyar Soltanovun turnirə aparılmaması zədəli olmasıyla izah etmişdi. Amma təcrübəli futbolçu ertəsi gün 2-ci liqada - "Baku Sportinq"in heyətində meydanda göründü. Elşad bəyin bu anlaşılmazlığa da aydınlıq gətirməsini istədik:
"Bəxtiyarı biz zədəyə görə turnirə aparmadıq. Biz ancaq onun minifutbol yığmamızdakı çıxışına görə nəsə deyə bilərik. Zədəli futbolçunu heyətində oynadan komandadan soruşsaz, daha yaxşı olar".
ABDULLA İSMAYILOĞLU
Digər xəbərlər
