Misli premyer-liqasında 12-ci turun oyunları keçirilir.

“Football-plus.az” xəbər verir ki; “Sumqayıt” “Araz-Naxçıvan”ı üstələyib - 2:0. Matçdan sonra “gənclik şəhəri” təmsilçisinin çalışdırıcısı Samir Abasovun mətbuat konfransı keçirilib. Sizi onun fikirləri ilə tanış edirik:

- Bir az müəmmalı danışdız. Ad çəkə bilərsiz?
- Özünə çatdı.

- Matç bitən kimi klub prezidenti ilə görüşdüz. Bu, nə ilə bağlı idi?
- Sabahkı planlarımızla, futbolçuların bərpası ilə bağlı idi. Bilirsiz ki, biz bərpanı burada keçirik. Sabah üçün başqa şeylər istədik. 8 gündə 3 oyun keçirdik. Millidən gələnlər 13-14 gündə 5 matça çıxıblar. Klub tərəfindən heç bir istəyimiz rədd edilməyib.

- Ünvanladığınız fikirlər sizi tənqid edən jurnalistlərədi?
- Yox. Mən saytları oxumuram. Bilmirəm kim məni tənqid edir. Sadəcə anlamıram ki, təəccüb nədən irəli gəlir. "Sumqayıt"ın qələbələrinin təəccüblü olmasını bir futbol adamı kimi anlamıram, anlamaq da istəmirəm.

- Sizin qulağınıza çatan fikirlər sizcə, hər iki komandanın turnir cədvəlindəki mövqeyi ilə bağlı deyil?
- Bizim bəlamız da budu, turnir cədvəlinə görə analiz olunur. Xal fərqinə baxın. Bizim ikinci yerdə olan "Zirə" ilə 3 xal fərqimiz var. Keçmişdə siz bizə deyirdiz ki, oynaya bilmirsizsə, atın bu işi. İndi mən deyirəm ki, hər şeyi turnir cədvəli ilə ölçəcəksizsə, atın bu peşəni.

- Ninqanın durumu necədi?
- Ona xüsusi təşəkkür düşür. O ağrılarla oynayasan, özün də legioner olasan. Elə legionerlər var ki, dırnağına qara düşən kimi deyir zədəliyəm. Bəlkə də onu ilin sonuna kimi itirdik.

- Murata 90 dəqiqə oynamağa hazırdı?
- Bu gün ən yaxşılardan idi. Həmin bölgədə yaxşı rəqabət var.