"Bura qədər çox xallar itirmişdik" - Vüqar Əsgərli
Misli premyer-liqasında 6-cı turun oyunları keçirilir.
"Sumqayıt" "Şamaxı"nı qəbul edib. 1:1 hesablı heç-heçə ilə bitən görüşdən sonra qonaqların çalışdırıcısı Vüqar Əsgərlinin mətbuat konfransı keçirilib. Sizi mütəxəssisin fikirləri ilə tanış edirik:
"Bu oyunda hər iki komanda üçün xal qazanmaq çox vacib idi. Heyət baxımından sıxıntılarımız var. Buna baxmayaraq, futbolçularımız əzmkarlıq göstərdi və bizə lazım olan xalı qazandılar. Bura qədər çox xallar itirmişdik. Fərqli iki hissə izlədik. İlk hissədə tez qol buraxmağımız futbolçuları şoka saldı. Amma toparlanmağı bacardılar, qolu vurdular və xal qazandıq".
Digər xəbərlər
