"Cəlilabad Olimpiya İdman Kompleksinin nəzdində yerləşən salonumuz 724 azarkeş tutumuna malikdi. Biz bir neçə gün əvvəl bugünkü matçla bağlı rayonda afişalar vurmuşuq, klubun rəsmi səhifəsində elan vermişik. Cəlilabadlıların salonu dolduracağına inanıram. Çünki mövsümə də yaxşı başlamışıq və fanatlarımız bizə inanır. Universitet məsələsinə gəlincə, Lənkəran-Astara Regional Təhsil İdarəsi ilə bəzi planlarımız var. Məsələn, Lənkəran Dövlət Universitetinin tələbələrindən ibarət komanda qurmaq fikrindəyik. Məqsədimiz bu kollektivin də "Tələbə Liqası"sında mübarizə aparmasıdı. Növbəti oyunu da noyabrın 8-də evimizdə oynayacağıq. Düşünürəm ki, sizin dediyiniz kimi edib, rayonumuzda yerləşən universitetin tələbələrini də oyunlarımıza cəlb edə bilərik. Bizim də hədəfimiz gənclərdə basketbola marağı artırmaqdı".