"Hazırda Cəlilabadda infrastruktur baxımından şərait istənilən kimi olmadığı üçün Memarlıq və İnşaat Universitetinin idman zalında hazırlıq keçirik. Oyunlardan bir gün əvvəl Cəlilabada gedəcəyik. Rəqiblər üçün Masallıda otel danışılıb. Onlar bura səfər etdikləri zaman qonşu rayonda məskunlaşacaqlar. Lakin hazırda Cəlilabad Olimpiya İdman kompleksində olan salonumuzda işlər gedir. Oyunları keçirmək üçün heç bir problem olmayacaq. Sadəcə, əcnəbi oyunçuların rayonda qalması çətindi, istənilən şərait yoxdu. Heyətimizi qurmuşuq. Legionerlərdən 5-i amerikalı, 1-i isə gürcüstanlıdı. Yerlilər Seyidhüseyin Eynullayev, Ülvi Məmmədov, Əbülmətin Quliyev, Murad Əliyev, Məmmədzadə Məmmədli və komandanın təcrübəli ismi Zaur Paşayevdi. Zaur həm də Qoqaladze ilə birgə məşqçilər heyətinə kömək edəcək. Böyük planlarımız var. Hamı çempionluq barədə düşünür. Bizim ən böyük arzumuz ilk "4-lük"də yer almaqdı. Çünki rəqiblərimiz də çox güclənib. Ona görə də bu pillələrdə olmaq bizim üçün uğur olar".