“Union” rəhbərliyi David Fofananı cəzalandırıb. Almaniya klubu futbolçunu müəyyən müddətə komandadan kənarlaşdırıb.

"Football-plus.az" xəbər verir ki, hücumçu Çempionlar Liqasının qrup mərhələsinin “Napoli” ilə oyununda əvəzlənərkən baş məşqçi Urs Fişerin əlini sıxmayıb. Buna görə klub Fofananı komandadan bir həftəlik uzaqlaşdırıb. Artıq bundesliqada “Verder” ilə matçı (0:2) buraxan afrikalı futbolçu Almaniya kubokunun “Ştutqart”la oyununda da iştirak etməyəcək.

David “Çelsi”yə məxsusdu. “Union”a yayda icarə qaydası ilə qoşulub. 20 yaşlı hücumçu bu mövsüm bundesliqada 8 oyun keçirib.