"Kollektivin durumu istənilən cəhətdən yaxşıdı. Xüsusilə əhval-ruhiyyəmiz yüksəkdi. Səbəb bəllidi, çox şükür, indiyə qədər məğlub olmamışıq. Səfər oyunlarının hər ikisindən 3 xalla ayrılmağımızın da bunda payı var. Qızların klublarında aktiv çıxış etməsi, özlərini yaxşı tərəfdən göstərməsi millimizin oyunları üçün hazır formada olmasına şərait yaradır. Komandamdan razıyam. Matçlardan öncə verilən tapşırıqlar, qurulan plan, demək olar ki, tam yerinə yetirilir. Hər biri sona qədər mübarizə aparır, görüşün tempindən qopmamağa çalışır. Oyunçular istəkli, inadkar və xarakterli çıxış edir. Məhz bu amillər qəbələyə gedən yolda böyük pay sabihidi. Son 3 görüşdə komanda şəklində yeganə səhvimiz Farer adalarına qarşı oyunda qeydə alındı və təəssüf ki, qol buraxdıq. Bütün çatışmazlıqları aradan qaldırmaq üçün səy göstəririk".

"Monteneqronu səfərdə məğlub etmişik. Hazırda 1 xal fərqimiz var. Rəqibin heyətində keyfiyyətli futbolçular var. Komandanı diqqətlə təhlil etmişik, artıq güclü və zəif cəhətlərini bilirik. Kollektivə buna uyğun tapşırıqlar verilib və hazırlıq davam edir. Meydana 3 xal üçün çıxacağıq. Zədəlimiz yoxdu. İnşallah, belə davam etsək, daha yaxşı nəticələrə imza atacağıq. Bilindiyi kimi, qızların yaşı artıb, indiyə qədər xeyli vacib oyunlarda iştirak edib təcrübələrini təkmilləşdiriblər. Millimiz oyundan-oyunda daha baxımlı çıxışla yadda qalır ki, bu da bizi sevindirməyə bilməz".

"Qrupdan çıxmaq üçün tər tökəcəyik. Şükürlər olsun ki, futbolçular bunun üçün əlindən gələni edir və son ana qədər mübarizə aparmağa hazırdı. Ölkəmizdə ilkə imza atmaq istəyirik. İnamım böyükdü. Təki zədələnməsinlər və həmişə belə arzuolunan səviyyədə oynasınlar. Monteneqronu məğlub etsək, işin 80 fazini görmüş olacağıq".