Füri, yoxsa Nqannu?
Xəbər verdiyimiz kimi, oktyabrın 28-də Səudiyyə Ərəbistanının paytaxtı Ər-Riyadda Tayson Füri ilə Fransis Nqannu döyüşəcək. 10 raundluq döyüşdə ortaya WBC kəməri qoyulmayacaq.
“Football-plus.az” xəbər verir ki, oktyabrın 28-i yaxınlaşdıqca bu döyüşçülərdən kimin qələbə qazanacağı ilə bağlı proqnozlar artır. WBO versiyası üzrə orta çəkidə sabiq dünya çempionu Dmitri Piroq Füri – Nqannu dueli ilə bağlı gözləntilərini bölüşüb:
“Fərqli idman növlərindən, fərqli üslubları olan döyüşçülər qarşılaşacaq. Fürinin məğlubiyət şansı sıfra bərabərdi. Füri özü də yüksək səviyyəli boksçudu, psixoloji baxımdan dözümlüdü”.
Amma fərqli fikirdə olanlar da var. Məsələn, ağır çəkidə sabiq “Strikeforce” çempionu, ağır çəkidə “Dream” çempionu, “K-1 World Grand Prix” çempionu, MMA və kikboksinqdə dünya tituluna eyni zamanda sahib olan ilk döyüşçü Alistar Overim əmindi ki, UFC versiyası üzrə superağır çəkidə sabiq çempion Nqannu WBC versiyası üzrə superağır çəkinin çempionu Fürini nokauta salacaq:
“Nqannunun nəinki qələbə şansı var, mən hətta onun qələbə qazanacağına inanıram. Mən döyüşlərə bir qədər fərqli baxıram. Artıq 30 ildi bu sahədəyəm. Nqannu dünyanı təəccübləndirəcək, şoka salacaq. Düzdü, Tayson yaxşı boksçudu, ancaq Fransis də çox güclüdü. Nqannu Fürini dərin nokauta salacaq”.
Digər xəbərlər
