“Ötən həftə işlərimiz yaxşı getmədi və Kayseridə uduzduq. Amma bu oyunu unutmalıyıq. Çünki bu həftə “Qalatasaray”la qarşılaşırıq. Çox güclü rəqibdi və əla oyunçuları var. Onların “Bavariya”ya qarşı oyununu hamımız gördük. Ümid edirəm ki, “Qalatasaray” çox güc itirib və bizə qarşı yorğun çıxacaq. Qalib gəlməyə çalışacağıq. Məşqçinin tələblərinə cavab verməyə və komandaya uyğunlaşmağa çalışıram. Burdakı hər günüm gözəl keçir. Hələ tam nəyə qadir olduğumu göstərə bilməmişəm. Önümüzdəki dönəmdə fanatlarımızı və məni izləyənləri daha çox məmnun etməyə səy göstərəcəm. Türkiyə çempionatımdakı ilk oyunumda məhsuldar ötürmə vermişdim. Mövsümə yaxşı başlamışdıq. Amma sonradan nəticələrimiz zəiflədi. Məşqçi harda oynamağəmı istəyirsə, orda da oynamağa hazıram. Mənim nə istədiyim yox, məşqçinin və komandanın nə istədiyi önəmlidi. Bizdə - İngiltərədə komandaya yeni oyunçu gələndə ona ilk növbədə özünü heç kimdən üstün görməməli olduğunu deyirik. Məşqçi ilə münasibətlərimiz əladı. Daha öncə İngiltərə mətbuatına verdiyim açıqlamada da burdakı məşqçimizi “Nyukasl”dakı məşqçilərimizə bənzətdiyimi demişdim. Futbola və işinə çox bağlı insandı. Bunu ilk gündən anlamaq mümkündü. Ondan çox şey öyrənəcəyimi düşünürəm. Onunla çalışmaqdan zövq alıram. Fikrimcə, qarşıda bizi yaxşı günlər gözləyir. Türkiyədə üstdəki komandalarla altdakı komandalar arasında səviyyə fərqi o qədər də böyük deyil. İngiltərə ilə aradakı əsas fərq budu. “Çaykur Rizəspor” məni əsasən geridən oyun qurmaq özəlliyimdən istifadə etmək üçün transfer edib. Ən azı klubun mənimlə bağlı planı bu cür idi. Amma bəlkə də hücuma daha çox qoşulmalı və mən də irəlidəki pressinqdə iştirak etməliyəm. Ola bilər ki, “Qalatasaray”a qarşı matçdan etibarən meydandakı rolum dəyişsin və məhz belə oynamağa başlayım”.