Məlum olduğu kimi bu gün ''Qalatasaray'' Çempionlar Liqasında çox mühüm bir qarşılaşmaya çıxacaq.

"Football-plus.az" xəbər verir ki, Türkiyə çempionu öz meydanında ''Bavariya''nı qəbul edəcək.

Münhen nəhənginin baş məşqçisi Tomas Tuxel oyunöncəsi mətbuat konfransında Mauro İkardi və ''Cim-Bom'' haqda açıqlamalar verib.

"Beşiktaş''a qarşı derbidə zədələnən İkardinin oyunu buraxmaq ehtimalı var. Tuxel bunları deyib: ''İkardi təhlükəli futbolçudu və bizə qarşı meydanda olsa, çox diqqətli olmalıyıq. Meydanda fərq yarada və hər an hesabı dəyişə biləcək futbolçudu. ''Qalatasaray''ın belə bir oyunçuya sahib olması onlar üçün önəmlidi. Bizim üçün isə təbii ki, təhlükəli durumdu. Ümid edirəm ki, problemi ciddi deyil. Amma mənə verilən son məlumat onun oynamayacağı ilə bağlıdı.

''Qalatasaray'' ''Old Trafford''da ''Mançester Yunayted'' kimi bir komandaya qarşı inanılmaz futbol sərgiləyərək layiqli qələbə qazandı. İki köklü komandanın çox baxımlı, aqressiv mübarizəsini izlədik. ''Qalatasaray'' nəyə qadir olduğunu göstərdi. 6 xalımız var və qalib gəlsək, liderliyimizi bir qədər də möhkəmləndirəcəyik''. Tuxel sonda bir jurnalistin ''türk dilində hər hansı bir söz bilirsizmi'' sualına ''bilirəm, amma mətbuat konfransında deyiləcək söz deyil'' cavabını verərək hamını güldürüb.

ƏLİ