"Çempionatın debütantı olsaq da, mən qarışıq təcrübəli oyunçularımız var. Rəqibin yerli üzvlərini tanıdığımız üçün yaxşı təhlil etmişdik. Bizim legionerlərimiz də "Neftçi"nin yerli basketbolçularını tanımırdı, lakin öz aramızda iclaslar keçirdik. Mən ötən mövsümdən olan videoları uşaqlara göstərdim. Məşqçimiz Murat Dikmən də bir nöqtədən sonra bizim fikirlərə hörmətlə yanaşmağa başladı. Çünki ötən mövsümün final görüşlərini izləyb və "ağ-qaralar"ın əsas oyunçusu Kamran Məmmədovun da oyun üslubunu bilirdi. Həmçinin mən də tanıdıqlarım haqda məlumat verdim. Şükür ki, bunları yaxşı dəyərləndirərək qalib gəldik. Belə fikirləşirəm ki, sonrakı iki turda nisbətən rahat rəqiblər - "Gəncə" və "Cəlilabad" ilə qarşılaşacağıq. Üçüncü turda isə bizi "NTD-İndiqo" ilə gərgin oyun gözləyir".