Ötən həftə ''Pendikspor''a məğlubiyyətdən sonra dərhal serbiyalı Aleksandar Stanoyeviç ilə yollarını ayıran ''Konyaspor''un yeni baş məşqçisinin adına aydınlıq gəlib.

"Football-plus.az" xəbər veritər ki, Dirk Kuyt başda olmaqla bir sıra məşqçilərin adı klubla yanaşı hallansa da, rəhbərlik Hakan Keleşə üstünlük verib.

51 yaşlı mütəxəssislə mövsümün sonuna qədər müqavilə imzalanıb. 9 tura cəmi 2 qələbə qazanan və 9 xal toplayan ''Konyaspor'' 15-ci pillədə qərarlaşıb. Keleşə gəlincə, o, buna qədər ''Gənclərbirliyi'', ''Qaziantep'', ''Mersin İdman Yurdu'', ''Sivasspor'' və son olaraq ''Girəsunspor''da çalışmışdı. Bu məşqçi xüsusilə Girəsun təmsilçisində adından söz etdirməyi bacarmış və komandanı 2021-də - 44 illik fasilədən sonra elitaya daşımağı bacarmışdı. Keleş 2020-23-cü illərdə çalışdırdığı ''Girəsunspor''da 110 rəsmi oyundan 44 qələbə, 25 heç-heçə, 41 məğlubiyyətlə ayrılmışdı.

Xatırladaq ki, ötən mövsümün 2-ci dövrəsində yığmamızın üzvü Mahir Emreli də icarə əsasında ''Konyaspor''da top qovmuşdu.

ƏLİ