Dünya çempionu bu gün meydana qayıdır

Manuel Noyerin 11 aylıq həsrəti sona çatır.

“Bavariya”nın qapıçısı zədəsini sağaldandan sonra optimal formaya düşüb. Alman futbolçu bundesliqanın 9-cu turunun “Darmştadt” ilə bu gün keçiriləcək oyununda meydana çıxacaq. Xatırladaq ki, Almaniya millisi Qətərdə keçirilən dünya çempionatında çıxışını başa vurduqdan sonra Noyer dağ-xizək kurortunda istirahət edərkən ayağı sınmışdı.

Təcrübəli futbolçuya sağ baldır sümüyünün sınığı diaqnozu qoyulmuşdu. DÇ-2014-ün qalibi bu səbəbdən 2022-ci il dekabrın 1-dən indiyədək rəsmi oyunlarda görünməyib.