"Görüşü idarə etmək hakimlər briqadası üçün çətinlik yaratmırdı, rəqib futbolçular arasında səviyyə fərqi açıq görünürdü. Buna baxmayaraq, referi oyunçulardan təmiz futbol tələb edirdi, ikili mübarizələrdə sona kimi oynamağa imkan vermirdi. Kobud oyun zamanı futbolçular dərhal qarşılarında sarı vərəqə görürdülər. Baş hakim mübahisəyəmeyilli futbolçuların da qarşısını qətiyyətlə alırdı, heç kimə güzəşt etmirdi. Komandalar arasında keyfiyyət, sürət fərqi olduğundan oyunda mübahisəyə səbəb olacaq epizodlar yaranmırdı, bu da referinin işini daha da asanlaşdırırdı. Son 30-35 dəqiqənin daha tez keçməsini, oyunun bitməsini gözləyən hər iki tərəfin futbolçuları kimi, hakimlər briqadası da eyni yanaşma ilə oyunu başa çatdırdı".