Bu gün Avropa Liqasında qrup mərhələsinin 3-cü turunun oyunları keçirilib. Ölkəmizin turnirdəki yeganə təmsilçisi “Qarabağ” səfərdə “Bayer-04” ilə üz-üzə gəlib.

"Football-plus.az" xəbər verir ki, Leverkuzendə keçiriləcək oyunu “CBC Sport” canlı yayınlayıb.

Avropa Liqası
Qrup mərhələsi, H qrupu
Bayer-04 (Almaniya) – Qarabağ 5:1
Florian Virts, 4, Alexandro Qrimaldo, 29, 54, Viktor Bonifase, 35, Edmond Tapsoba, 58 - Toral Bayramov, 16
"Bayer 04": 17. Matey Kovar, 6. Odilon Kassunu, 12. Edmond Tapsoba, 3. Ptero Hinkapye, 20. Alexandro Qrimaldo, 8. Robert Endrix (k), 34. Qranit Caka, 19. Natan Tella, 10. Florian Virts, 21. Amin Adli, 22. Viktor Bonifase.
"Qarabağ": 99. Andrey Lunyov, 44. Elvin Cəfərquliyev, 81. Kevin Medina, 13. Bəhlul Mustafazadə, 2. Mateus Silva, 8. Marko Yankoviç, 6. Julio Romao, 15 Leandro Andrade, 10. Abdullah Zubir (k), 27. Toral Bayramov, 18. Juninyo Olavio.
Hakimlər: HORATSİU FESNİK, Valentin Avram, Aleksandru Çerey, Sabolş Kovaç (hamısı Rumıniya).
VAR hakimi: Tyaqo Martins (Portuqaliya).
VAR hakiminin köməkçisi: Paolo Valeri (İtaliya).
Hakim-inspektor: Stavros Tritsonis (Yunanıstan).
UEFA nümayəndəsi: Devid Moran (İrlandiya).
26 oktyabr. Leverkuzen. “BayArena”. Saat 23.00.

Bu gün qrupun liderləri üz-üzə gəlir. Bəlkə də “Bayer-04” “Qarabağ”ın avrokuboklar tarixində qarşılaşacağı ən çətin rəqib olacaq. Çünki Leverkuzen təmsilçisi 11 matçdı uduzmur. Xabi Alonsonun komandası bundesliqanın vahid lideridi. Avropa Liqasının H qrupununda da iki oyunda 2 qələbə qazanıblar. Bir sözlə, bu dəqiqə üçün “qırmızı-qaralar” “Qarabağ”ın qarşılaşmaq istəməyəcəyi rəqibdi. Lakin Ağdam təmsilçisinin gücünü də azaltmaq olmaz. Çempion Azərbaycan reallığını nəzərə alanda avrokuboklarda əla performans sərgiləyir. “Köhlən atlar” da qrupun hər iki görüşündə qələbə qazanıb. Ümumiyyətlə, onlar bu mövsüm avrokuboklarda 7 oyundu məğlub olmur. Qurban Qurbanovun komandasının sonuncu yenilgisi Çempionlar Liqasının 2-ci təsnifat mərhələsinin ilk oyununda “Rakuv”a qarşı olub – 2:3. Polşalılarla görüşdən sonra ağdamlılar 5 qələbə qazanıb, 2 heç-heçə edib, bu oyunlarda “Qarabağ” 10 qol vurub, 4-nü buraxıb.

“Qarabağ”ın heyətində kifayət qədər itkilər var. Bəhlul Mustafazadə, Marko Yankoviç və Marko Veşoviç zədəlidi. Patrik Andrade də yığmanın oyunundan sonra əzələsində xırda ağrılar hiss edirdi. Amma afrikalı, yəqin ki, bu oyuna kimi bərpa prosesindən keçib. Uzun müddətdi zədəli olan Abbas Hüseynov isə tam sağalıb. Qurban Qurbanov şans versə, o, bu günkü görüşdə meydana çıxacaq. “Bayer-04”də isə Arturun meydana çıxmayacağı dəqiqdi. Braziliyalı əzələsini dartıb.

Sözsüz ki, oyunun favoriti “Bayer-04”dü. Komandaların güclərini və büdcələrini müqayisə edəndə bunu açıq-aşkar söyləyə bilərik. Ümumiyyətlə, bu komandalar indiyə kimi üz-üzə gəlməyib. Lakin “Qarabağ” Almaniya klubları ilə 6 dəfə qarşılaşıb. Bu görüşlərin heç birində ağdamlılar qələbə qazanmayıb.

19.08.2010 Dortmund Avropa Liqası, pley-off Borussiya – Qarabağ 4:0
26.08.2010 Avropa Liqası, pley-off, Qarabağ – Borussiya 0:1
22.08.2013 Avropa Liqası, pley-off Qarabağ – Ayntraxt 0:2
29.08.2013 Avropa Liqası, pley-off Ayntraxt – Qarabağ 2:1
08.09.2022 Avropa Liqası, qrup mərhələsi Frayburq - Qarabağ 2:1
03.11.2022 Avropa Liqası, qrup mərhələsi Qarabağ - Frayburq 1:1

Maraq üçün bildirək 2022/23 mövsümündə “Qarabağ” səfərdə “Frayburq”la qarşılaşanda da rəqib bundesliqanın lideri idi. “Köhlən atlar”la görüşdən sonra “ağ-qaralar”ın çempionatda yaxşı günləri başlamadı.

1. Bayer-04 3 3 0 0 11-2 9
2. Qarabağ 3 2 0 1 3-5 6
3. Molde 3 1 0 2 6-4 3
4. Həkken 3 0 0 3 1-10 0

İLKİN SULTANLI