"Ölkə kubokunun 2023/24 mövsümü ilə bağlı detallara bazar ertəsi tam aydınlıq gələcək. Amma ümumi götürsək, yeni mövsümdə turnirdə komandaların sayı artacaq. 1-ci və 2-ci liqa təmsilçiləri də hamılıqla ölkə kubokunda iştirak edəcək. Region Liqası klublarının turnirdə iştirakı nəzərdə tutulmayıb. Ümumilikdə 34 komanda kubok uğrunda mübarizəyə qoşulacaq. Formata gəlincə, yarış 1-ci, 2-ci təsnifat, 1/8 final, 1/4 final, yarımfinal və finaldan ibarət olacaq. Mübarizəyə əvvəlcə 2-ci liqa təmsilçiləri qoşulacaq".