Region Liqasının püşkü oktyabrın əvvəlində atılacaq
Yeni futbol mövsümündə 1-ci liqada komanda sayı artdı, həmçinin 2-ci liqa yaradıldı.
Yeni yaradılan və fəaliyyətini bərpa edərək Region Liqasına qoşulacaq komandalar haqda yazmışdıq. Bəs Region Liqasında vəziyyət necə olacaq? Bu liqada komanda sayı necə olacaq, mövsüm hansı formatda keçiriləcək? Region Liqasında iştirakçıların qeydiyyat müddətinin sentyabrın 15-də bitdiyini nəzərə alıb, bu suallarla AFFA-ın sözçüsü Elnur Məmmədliyə müraciət etdik:
"Hələlik 30-a yaxın komanda müraciət edib. Amma ümumilikdə neçə komandanın turnirdə iştirak edəcəyi dəqiqləşməyib. Çünki əksər klublarda sənəd atışmazlığı var. Onlara iradları çatdırıb yenidən müvafiq sənədləri toplayaraq müraciət etməyi tapşırırıq. Bəziləri çatışmazlıqları aradan qaldırır, bəziləri qaldırmır. Düşünürəm ki, Region Liqasında 30 civarında komanda olacaq. Amma konkret say bu həftə ərzimdə dəqiqləşməlidi. Püşkatma isə oktyabrın əvvəlində olacaq".
Onu da xatırladaq ki, Region Liqası yayda 11 komandanı itirib. “Difai, “Araz Saatlı”, “İrəvan” və “Karvan” 1-ci, “Füzuli”, “Cəbrayıl”, “Göygöl”, “Qusar”, “Qala-Şəmkir”, “Lerik” və “Marxal Şəki” (indiki adı "Şəki City") isə 2-ci liqaya adlayıb.
ABDULLA İSMAYILOĞLU
Digər xəbərlər
