Beynəlxalq Avtomobil Federasiyası (FIA) Qətər “Qran-pri”sindəki qəzadan sonra yarış trassını piyada keçən “Mersedes”in pilotu Lüis Hemiltonun səbəbkar olduğu hadisəyə yenidən baxacağını elan edib.
“Football-plus.az” xəbər verir ki, 38 yaşlı pilot komanda yoldaşı Corc Rassell ilə toqquşmadan sonra mübarizədən çəkilmiş, ardından “Mersedes”in boksuna yollanmaq üçün yarış vaxtı trassdan dediyimiz şəkildə keçmişdi.
Hemilton belə anlaşılmaz davranışa görə 50 min avro (yarısı şərtidi) cərimələnmişdi, ancaq FIA bu qalmaqala yenidən baxmağa qərar verib. Bu qurumda əyləşənlər Hemiltonun hərəkətinin gənc pilotlar üçün presedent yaradağını düşünürlər. Axı britaniyalı pilot gənclər üçün nümunə, ruhlanma mənbəyidi. Epizoda yenidən baxılması o anlama gəlir ki, trassı bu şəkildə keçməyə görə cəza sərtləşdirilməsin, bir daha belə fikrə düşən olmasın.