“Mersedes”də aşkar lider yoxdu”

“Mersedes”in pilotu Corc Rassell komanda yoldaşı Lüis Hemiltonla qarşılıqlı münasibətləri haqda danışıb:

“Toto Volf lap əvvəldən hər birimizdən nə gözlədiyini bizə anladıb. Lüislə münasibətlərimiz də əvvəldən yaxşıdı. Ötənlərə baxsaq, onda komandada həmişə qələbə uğrunda mübarizə aparan və 2-ci pilot olub. Ancaq indi bizdə lider yoxdu, bərabər şərtlər altında çalışırıq. Bir-birimizə yardım edirik.

Maşını yaxşılaşdırmaq, “Mersedes”i zirvəyə qaytarmaq üçün eyni yolla yürüyürük. Ümid edirəm ki, belə də davam edəcək. Düşünürəm ki, ikimiz də komandaya nə lazım olduğunu anlamaq dərəcəsində yetkin və təcrübəliyik. Münasibətləri pozsaq, bu komandanın xeyrinə işləməyəcək”.

Xatırladaq ki, Rassell sonuncu mövsümdə 275 xal toplamaqla 4-cü, Hemilton (240) isə 6-cı yeri tutub. Dünya çempionluğunu 454 xalla “Red Bull” pilotu Maks Ferstappen bayram edib. “Mersedes” Mühəndislər kubokunda 515 xalla 3-cü olub. Burda da “Red Bull” (759) qalib gəlib.