İtaliya futbolunda mərc oyunları ilə bağlı qalmaqalla bağlı növbəti məlumat yayılıb.

"Football-plus.az" xəbər verir ki, bu oyunlarda iştirak edən bütün oyunçuların adları məlum olub.

Amma məlumat rəsmi xarakter daşımır. Siyahını jurnalist Fabritsio Korona dərc edib. Maraq üçün siyahıya düşənlərin adlarını nəzərinizə çatdırırıq: Nikolo Facoli, Federiko Qatti (hər ikisi “Yuventus”), Nikolo Zanyolo (Aston Villa), Sandro Tonali (Nyukasl), Alessandro Florentsi (Milan), Nikola Zalevski, Canluka Mançini, Feliks Afena-Qyan (hamısı “Roma”), Mattia Zakkanyi, Manuel Latsari, Nikolo Rovella, Luka Pelleqrini (hamısı “Latsio”), Domeniko Berardi (Sassuolo), Nikolo Barella, Davide Frattezi (hər ikisi “İnter”), Luka Zanimakya (Kremoneze) və Antonio Qalo (Leççe).

Xatırladaq ki, bir neçə gün əvvəl mətbuatda Facoli, Tonali və Zanyolonun qanunsuz mərc etməkdə ittiham oluna biləcəyi barədə məlumat yayılmışdı. Bəzi mərc qurumlarında bu futbolçuların həqiqətən də mərc etdiklərini sübut edən məlumatların olduğu və artıq hüquq-mühafizə orqanları ilə əməkdaşlığa başlanıldığı bildirilir.