Ardıcıl ikinci tur I qrupunda nəzərdə tutulan oyunlardan biri baş tutmadı.

“Football-plus.az” xəbər verir ki, UEFA Yaxın Şərqdəki müharibə vəziyyətini nəzərə alaraq İsrail - İsveçrə və Kosovo – İsrail matçlarını təxirə salıb.

8-ci turun matçlarından birində az qala sensasiya qeydə alınacaqdı. Qrupdakı ilk iki yerdən birinə iddia edən İsveçrə yığmasının evdə Belarusa qarşı oyuna təravətli çıxacağını düşünmək olardı. Hər halda, Murat Yakının çalışdırdığı komandanın üç gün əvvəlki matçı təxirə salınmışdı. Praktiki cəhətdən 2-ci yerə belə ciddi iddiası olmayan Belarus isə ayın 12-də Macarıstanın paytaxtı Budapeştdə keçirilən matçda (0:0) Rumıniyadan xal almışdı. İsveçrə məhz bu səbəbdən oyun keçirməsə də, liderliyi əldən verməmişdi. Amma son dünya çempionatının 1/8 finalçısı artıq mövqeyini əldən verməli olub. Ona görə ki, mərkəzi avropalılar belaruslardan yalnız bir xal ala bildilər. Onu da böyük çətinlik hesabına. Əslində ilk hissədə, demək olar ki, hər şey ev sahiblərinin istədiyi axarda gedirdi: Şakirinin qolu İsveçrənin fasiləyə üstün durumda yollanmasını təmin etmişdi. Amma bir saatlıq mübarizə arxada qalandan sonra meydandakı vəziyyət 180 dərəcə dəyişdi. İsveçrəlilərin orta və arxa xətdəki səhvləri qonaqlar üçün göydəndüşmə oldu. Karlos Alosun çalışdırdığı komanda ardıcıl üç qol vuraraq ev sahiblərini olduqca çətin vəziyyətə saldı. Belə vəziyyətdə böyük qüvvə ilə irəli atılmaq və risk etmək tələb olunurdu. İsveçrənin riski özünü doğrultdu. Yakının komandası sona qədər mübarizə apardı və əzmkarlıq nümayiş etdirməklə məğlubiyyətdən qurtuldu. Sankt Qallendə futbol trilleri yaşandı. Çətinliklə qazanılan bir xal qrupda uzun müddət liderlik edən isveçrəlilərin mövqeyini itirməsinə mane olmadı.

Çünki Rumıniya ilk pilləyə yüksəlmək şansından yararlandı. Andorranı 4 cavabsız qolla məğlub edən Edvard Yordaneskunun komandası liderliyi ələ aldı.

I qrupu, 8-ci tur
İsveçrə - Belarus 3:3 (1:0)
İsveçrə: Zommer, Rodriges (U.Qarsiya, 73), Akanci, Şer, Lotomba, Şakiri, Caka, Fröyler, Şteffen (Ndoye, 73), Sou (Amduni, 62), İtten (Zekiri, 62).
Belarus: İqnatoviç, Politeviç, Polyakov, Karpoviç, Volkov, Malkeviç (Klimoviç, 83), Korzun (Pavlovets, 90+5), Ebonq, Kontsevoy (Antilevski, 46), Boçerov (Morozov, 65), Baxar (Peçenin, 64).
Qollar: Şakiri, 28 (1:0). Ebonq, 61 (1:1). Polyakov, 69 (1:2). Antilevski, 84 (1:3). Akanci, 89 (2:3). Amduni, 90 (3:3).
Vərəqələr: Politeviç, 4. Zekiri, 77. Baxar, 85. Peçenin, 90. Klimoviç, 90+2. Korzun, 90+4 - sarı.
Hakim: Joao Pineyro (Portuqaliya).
15 oktyabr. Sankt Qallen. ???? tamaşaçı.
Rumıniya – Andorra 4:0 (3:0)
Rumıniya: Moldovan, Burke, Draquşin (Rus, 46), Stançu (M.Marin, 66), Banku, R.Marin (Çikıldeu, 59), Haci (Alibek, 65), Soresku, Morutsan, Koman, Birlica (Mihayla, 59).
Andorra: İ.Alvares, M.San Nikolas, M.Vales, Rebes (Puyol, 86), K.Rubio (De Pablos, 65), Lyovera, Servos, Vieyra, Qarsiya (Romares, 86), E.Vales (X.Rubio, 76), A.Sançes (Bernat, 65).
Qollar: Stançu, 23 (1:0). Haci, 28 (2:0). R.Marin, 44-p. (3:0). Koman, 50 (4:0).
Vərəqələr: R.Marin, 9. Vieyra, 9. A.Sançes, 12. M.San Nikolas, 19. K.Rubio, 37. Qarsiya, 42. Bernat, 84 - sarı. M.San Nikolas, 90+1 – qırmızı (ikinci sarı).
Hakim: Kristo Tohver (Estoniya).
15 oktyabr. Buxarest. ?????? tamaşaçı.
Kosovo - İsrail oyunu təxirə salınıb.
1. Rumıniya 8 4 4 0 13-4 16
2. İsveçrə 7 4 3 0 20-8 15
3. İsrail 6 3 2 1 7-7 11
4. Kosovo 7 1 4 2 8-8 7
5. Belarus 8 1 3 4 7-14 6
6. Andorra 8 0 2 6 3-17 2
18 noyabr: İsveçrə - Kosovo, İsrail – Rumıniya, Belarus - Andorra.