Bu gün "Four Seasons" otelində Azərbaycan Basketbol Federasiyasının (ABF) tədbiri keçirilib.

Tədbirdə Gənclər və İdman Naziri Fərid Qayıbov, ABF-nin prezidenti Emin Əmirullayev, icraçı direktor Fərrux Mahmudov, yeni mövsümdə ölkə çempionatında çıxış edəcək klubların rəsmiləri, baş məşqçiləri, oyunçuları və media nümayəndələri iştirak edib. Ötən mövsümün hesabatı dinlənilib. Daha sonra isə yeni "basketbol ili" haqda məlumat verilib.

Qeyd edək ki, bu mövsüm basketbol üzrə ölkə çempionatında 10 komanda mübarizə aparacaq. Bunlar "Sabah", "Neftçi", "Xırdalan", "Şəki", "NTD İNDİGO", "Xəzri", "Gəncə", "Sərhədçi", "Sumqayıt" və "Cəlilabad"dı.

CAVİD ƏLİYEV