Türkiyə çempionu ''Qalatasaray'' gələn şənbə günü baş tutacaq ''Beşiktaş''la derbiyə hazırlaşır.

"Football-plus.az" xəbər verir ki, yığma üzvləri təbii ki, məşqlərdə iştirak etmir. Bu arada ''Cim-Bom''un hazırlıqları mərkəz müdafiəçiləri olmadan davam etdirdiyi məlum olub. Əbdülkərim Bardakcı ilə Kaan Ayhan Türkiyə, Viktor Nelsson Danimarka, Devinson Sançes isə Kolumbiya yığmasının düşərgəsindədi. Komandasını gündəlik iki məşq keçməklə hazırlaşdıran Okan Buruk xüsusilə iki tərəfli oyunlar zamanı müdafiəni qurmaqda çətinlik çəkir. O, çatışmayan oyunçuları ''altyapı''dan gəncləri məşqə dəvət etməklə kompensasiya edir. Bu arada Sançesin derbini buraxa biləcəyi haqda iddialar var. Təcrübəli futbolçu İstanbula cümə axşamı gecə saatlarında ayaq basacaq. Həmin vaxt artıq derbiyə 48 saatdan da az bir vaxt qalacaq. Bu müddət Ekvadorla oynanılacaq səfər oyunundan sonra uzun yol qət edərək İstanbula gələcək futbolçunun fiziki cəhətdən tam hazır olmasına mane ola bilər.

ƏLİ