Dayo Upamekano bir müddət topa toxuna bilməyəcək.

“Football-plus.az” xəbər verir ki, “Bavariya”nın müdafiəçisi sol budundan zədə alıb. 24 yaşlı futbolçu bu səbəbdən təxminən 2-3 həftə yaşıl meydanlardan kənarda qalacaq. Upamekanonun Fransa millisinə qarşıdakı oyunlarda kömək edə bilməyəcəyini də qeyd edək. Yığmanı çalışdıran Didye Deşam komandaya onun əvəzinə “Çelsi”nin müdafiəçisi Aksel Disasini çağırıb.

Upamekano bu mövsüm “Bavariya”nın heyətində bütün turnirlərdə 10 matçda meydana çıxıb.