“Liverpul”da aprel ayının ən yaxşı oyunçusu müəyyənləşib.

Bu nominasiyanın qalibi Tyaqo Alkantara olub. İspaniyalı yarımmüdafiəçi azarkeşlər arasında keçirilən sorğuda bütün oyundaşlarını arxada qoyub. 31 yaşlı futbolçu ötən ay meydana çıxdığı 9 oyundan 7-sini start heyətində keçirib. Tyaqo mövsüm ərzində bütün turnirlərdə komandanın 37 oyununda iştirak edib. O, “Liverpul”un formasında 2 qolun və 4 məhsuldar ötürmənin müəllifi olub.