“Liverpul” artıq Sadio Manenin yerinə oyunçu axtarışına başlayıb.

“Bavariya”ya satlmaq ehtimalı olan seneqallı hücumçunun Almaniya klubu ilə anlaşdığı bildirilir. Onun yerini “Barselona”nın yarımmüdafiəçisi Usman Dembele tuta bilər. “Diario Sport”un xəbərinə görə, “Liverpul” fransız futbolçunu bu yay azad agent kimi heyətinə cəlb etməyi planlaşdırır.

Mersisaydlıların nümayəndələri artıq Dembelenin meneceri ilə danışığa başlayıb. Deyilənə görə, İngiltərə klubunun baş məşqçisi Yürgen Klopp Manenin gedişi ehtimalı və Roberto Firminonu satmaq niyyəti ilə bağlı komandaya 2-3 hücumameyilli oyunçu cəlb etmək istəyir. Onun Dembelenin oyun üslubunu çox bəyəndiyi bildirilir.