Futzal yığmamız bu gün DÇ-2024-ün elit mərhələsində Qzaxıstanla cavab görüşünə çıxıb. Astanada keçiriləcən matç Bakı vaxtı ilə saat 18.00-da start götürüb. Oyun "CBC Sport" vasitəsilə canlı yayınlanıb.

Qazaxıstanda futzala ayrılan diqqət hər kəsə bəllidi. Hər halda, Bakıdakı oyuna çoxlu qazaxıstanlının təşrif buyurması, iri bayraqların tribunalardan asılması buna bariz sübutdu. Onlar son ana qədər komandalarını dəstəklədilər. Hesabda geri olanda da, 3 top fərqiylə üstələyəndə də yığmalarına eyni sevgi ilə yanaşdılar. İndi həmin azarkeşlərin ev matçında hansı atmosferi yaradacağını düşünün. Digər tərəfdən, ilk oyunda Qazaxıstanın niyə qrupun aşkar favoriti adlandırıldığına şahidlik etdik. Rəqib bizimkiləri, demək olar ki, bütün komponentlərdə üstələdi. Sabah millimizi çox ağır sınaq gözləyir. Borisov da ev matçından sonra keçirilən mətbuat konfransında bunu etiraf etmişdi. Bu oyunu yığmamızın son şansı kimi görənlər də az deyil. Üstəlik millimizin aparıcı futzalçılarından Felipinyo sarı vərəqə cəzalısı olduğundan bu oyunda iştirak etməyəcək. Borisov onun yerinə “Neftçi” İK-nın üzvü Amir Sojaeini dəvət edib.

Ümumiyyətlə, baş məşqçi 14 futzalçının xidmətindən yararlana bilər: qapıçılar - Emin Kürdov, Rövşən Hüseynli; oyunçular: Eduardo Borges, Novruz Kazıxanov, Rafael Vilela, Amadeu, Xəzər Ağalızadə, Qabriel Bastos, Maneka, Hadi Ahmadi, Xətai Bağırov, Qallo, Murad Quluzadə, Amir Sojaei.

DÇ-2024, elit mərhələ oyunu
Qazaxıstan – Azərbaycan 3:2
Hakimlər: TRAYAN YENÇEV, Kaloyan Kirilov, İvo Senov (hamısı Bolqarıstan).
Hakim-inspektor: Silvo Borosak (Sloveniya).
UEFA nümayəndəsi: Morten Engebretsen (Norveç).
11 oktyabr. Astana. Saat 18.00

1. Qazaxıstan 4 4 0 0 13-7 12
2. Rumıniya 3 2 0 1 8-6 6
3. Azərbaycan 4 1 0 3 11-11 3
4. Niderland 3 0 0 3 2-10 0

Qrupun digər oyununda Hollandiya Rumıniyanı qəbul edəcək.

KƏNAN BAHADIR