MHL-də pul xəzəl kimidi: yeni mövsümdə 6,2 milyard dollar gəlir proqnozlaşdırılır
Milli Hokkey Liqasının komissarı Qeri Bettmen bəyan edib ki, liqada əməkhaqqı tavanı 4,5 milyon dollar arta bilər:
“Liqanın maliyyə durumu çox yaxşıdı. Bizim komandalar heç vaxt indiki qədər yaxşı və güclü olmayıb. Odu ki, yeni mövsümün startını səbirsizliklə gözləyirik. Çox ilkin proqnozdu. Ancaq biz hesab edirik ki, eskrou üzrə borclar tam qapanacaq, gələn il əməkhaqqı tavanı 87-88 milyon həcmində olacaq”.
"Football-plus.az" xəbər verir ki, xatırladaq ki, 2023/24 mövsümündə əməkhaqqı tavanı 83,5 milyon dollar təşkil edəcək. Bettmen onu da bildirib ki, bu mövsüm üçün 6,2 milyard dollar gəlir proqnozlaşdırılır, MHL-in genişləndirilməsi ilə bağlı ideya isə hələ ki müzakirə olunmur:
“Elə bir inkişafda olan layihə tapılarsa, onu MHL-in sahiblərinə təqdim edə bilərəm və məsələ müzakirəyə çıxarılar. Hələ ki bu nöqtəyə qədər gəlib çıxmamışıq. Yalnız maraqlı olan tərəflərdən müəyyən sorğular alırıq, daim ən müxtəlif məsələlərlə bağlı görüşlər keçirirəm. Kimsə bizlə danışmaq istəyirsə, onda həmin şəxslə danışa bilərik”.
Onu da xatırladaq ki, müntəzəm çempionatın yeni mövsümü oktyabrın 11-də start götürəcək.
Digər xəbərlər
