Oktyabrın 5-də Avropa Liqasının (AL) 2023/24 mövsümünün qrup mərhələsinin 2-ci turunun oyunları keçirildi. Qitənin “ikinci dərəcəli” klub turnirində 7 komanda növbəti qələbəsini qazandı.

"Football-plus.az" xəbər verir ki, hesabat turunda qeydə alınan nəticələrə gəlincə, 16 matçdan yalnız birində hesab açılmadı. F qrupunun “Makkabi (Hayfa) – “Panatinaikos” oyunu başladığı hesabla sona çatdı. Qeyd edək ki, ilk turda qolsuz “sülh” qeydə alınmamışdı. Ən məhsuldar oyun isə Çexiyada baş tutdu. G qrupunun “Slaviya” – “Şerif” matçında praqalılar qonaqların qapı torunu 6 dəfə silkələdilər. 6:0 həm də turun ən böyükhesablı nəticəsi oldu. Ümumiyyətlə, tur ərzində yalnız iki matçda tərəflərdən biri böyük hesabla qalib gəldi. Maraqlıdı ki, bu fakt da G qrupunda qeydə alındı: “Roma” İtaliyada “Servett”in qapısından 4 cavabsız top keçirməklə “Slaviya” ilə şərikli liderliyini davam etdirdi.

Bir sıra matçlarda qeydə alınan nəticə və faktlar diqqətdən yayına bilməz. Belə ki, A qrupunun “Frayburq” – “Vest Hem” oyununda ev sahibləri 1:2 hesabıyla uduzdular. Ardıcıl ikinci qələbəsini qazanan qonaq komanda qrupda vahid liderliyi ələ aldı. Xüsusi vurğulanası fakt isə “Vest Hem”in avrokuboklarda artıq 17 oyundu uduzmaması ilə bağlıdı. London klubu bu planda İngiltərənin rekordçusu oldu! “Vest Hem”in Devid Moyesin rəhbərliyi altında ötən mövsüm Konfrans Liqasının qalibi olduğunu və məğlubiyyət üzü görmədiyini xatırladaq.

Öz meydanında AEK-ə 2:3 hesabıyla uduzmaqla qrup turnirinə uğursuz start verən “Brayton” 1994/95 mövsümündən başlayaraq qitə kubokunun debüt oyununda uduzan ilk İngiltərə klubu olmuşdu. Roberto De Zerbinin komandası B qrupunun Marseldə keçirilən növbəti matçında da məğlubiyyətə yaxın idi. Fransalılar ilk hissədə bir dəqiqə ərzində iki qol vurmaqla fasiləyə qədər önəmli üstünlük əldə etdi. Lakin qonaq komanda 2-ci yarıda hər iki qolun əvəzini çıxmağı bacardı.

E qrupunun “Liverpul” – “Yunion” oyunu 2:0 hesabıyla nəticələndi. İngiltərə nəhəngi növbəti qələbə ilə liderliyini davam etdirdi. “Enfild”dəki matçda diqqəti cəlb edən əsas fakt Makallister qardaşlarının bir-birinə qarşı oynaması oldu: argentinalı yarımmüdafiəçilərdən 24 yaşlı Aleksis “Liverpul”un heyətində fasilədən sonra göründü, 25 yaşlı Kevin isə “Yunion”un start “11-liy”ində meydana çıxdı və 86-cı dəqiqədə əvəzləndi. Başqa sözlə, qardaşlar bir-birinə qarşı 41 dəqiqə mübarizə apardı.

Sevindiricidi ki, çempionumuz “Qarabağ” İsveçdə “Həkken”in qapısından bir cavabsız top keçirməklə qrup mərhələsinin ikinci oyununda da qalib gəldi. H qrupunda keçirilən digər matçın nəticəsi gözlənilən kimi oldu. Hazırda Almaniya çempionatında inamla liderlik edən “Bayer-04” Norveçdən Leverkuzenə qələbə ilə qayıtdı. İlk turun ev oyununda “Həkken”ni 4:0 hesabıyla məğlub edən Xabi Alonsonun komandası “Molde” ilə görüşün nəticəsini praktiki olaraq ilk hissənin ortalarında müəyyənləşdirdi: Frimponqla Tella ev sahiblərinin qapısına 4 dəqiqə ərzində yol tapdılar. Skandinaviyalıların gücü yalnız finişə az qalmış təsəlli qolunu vurmağa çatdı. “Qarabağ” növbəti turda “Bayer-04”ün qonağı olacaq. Bu yerdə postsovet məkanından olan daha bir komandanın nəticəsini bir daha diqqətinizə çatdırırıq. Moldovanın dəyişməz çempionu olan “Şerif”in ardıcıl ikinci məğlubiyyəti fonunda “Qarabağ”ın maksimum nəticə göstərməsi futbolumuz adına ikiqat qürurverici faktdı!

qrup mərhələsi, 2-ci tur
A qrupu
Frayburq (Almaniya) - Vest Hem (İngiltərə) 1:2
Şolloi, 49 – Paketa, 8. Agerd, 66.
Frayburq: Atubolu, Kübler (Veyshaupt, 76), Ginter, Linhart, Sildilia, Höfler, Qrifo (Breuniq, 87), Eqqeştayn (Röl, 76), Şolloi, Höler (Filipp, 76), Adamu (Doan, 46).
Vest Hem: Fabianski, Tsoufal, Kerer (Emerson, 71), Agerd, Mavropanos, Uord-Prouz (İnqz, 90), Fornals (Souçek, 71), Paketa (Mubama, 90), Alvares, Kudus (Benrahma, 80), Bouen.
TSÇ (Serbiya) - Olimpiakos (Yunanıstan) 2:2
Cakovats, 63. Pantoviç, 90 - Masuras, 16. Podense, 57.
1. Vest Hem 2 2 0 0 5-2 6
2. Frayburq 2 1 0 1 4-4 3
3. Olimpiakos 2 0 1 1 4-5 1
4. TSÇ 2 0 1 1 3-5 1
Növbəti turun oyunları oktyabrın 26-da keçiriləcək: Olimpiakos - Vest Hem, TSÇ – Frayburq.

B qrupu
Marsel (Fransa) - Brayton (İngiltərə) 2:2
Mbemba, 19. Veretu, 20 – Qross, 55. Joao Pedro, 88-p.
Marsel: P.Lopes, Kloos, Mbemba, Murilyo, Balerdi, Veretu (Unahi, 51), Ronjye, Harit, Obameyanq (Vitinya, 62), Korrea (Sarr, 62), Ndiaye (Lodi, 79).
Brayton: Stil, Veltman, Dank, Lempti, Van Hekke, Qross, Març (Adinqra, 76), Daud (Gilmor, 67), Mitoma, Uelbek (Ferqyuson, 77), Fati (Joao Pedro, 66).
AEK (Yunanıstan) - Ayaks (Niderland) 1:1
Vida, 75 - Berqveyn, 30-p.
1. AEK 2 1 1 0 4-3 4
2. Marsel 2 0 2 0 5-5 2
3. Ayaks 2 0 2 0 4-4 2
4. Brayton 2 0 1 1 4-5 1
26 oktyabr: Marsel – AEK, Brayton – Ayaks.

C qrupu
Betis (İspaniya) - Sparta (Çexiya) 2:1
Diao, 9. İsko, 79 – Birmançeviç, 3.
Betis: R.Silva, Pesselya, Ruibal, Miranda (Abner, 46), İsko, Karvalyo (Quardado, 60), Roka, G.Rodriges, İqlesias (Villian, 75), Ezzalzuli (Peres, 46), Diao (Belyerin, 85).
Aris (Cənubi Kipr) - Reyncers (Şotlandiya) 2:1
Muketu-Mussonda, 9. Babika, 59 – Sima, 70.
1. Sparta 2 1 0 1 4-4 3
2. Aris 2 1 0 1 4-4 3
3. Reyncers 2 1 0 1 2-2 3
4. Betis 2 1 0 1 2-2 3
26 oktyabr: Aris - Betis, Sparta – Reyncers.

D qrupu
Sportinq (Portuqaliya) - Atalanta (İtaliya) 1:2
Dyekereş, 76-p. - Skalvini, 33. Rucceri, 43.
Atalanta: Musso, Cimşiti (Toloy, 54), Zappakosta (Holm, 66), Kolaşinats, Skalvini (Palomino, 80), Rucceri, De Roon, Ederson (Paşaliç, 66), Koopmeyners, De Ketelare (Skamakka, 54), Lukmen.
Rakuv (Polşa) - Şturm (Avstriya) 0:1
Bevinq, 24.
1. Atalanta 2 2 0 0 4-1 6
2. Sportinq 2 1 0 1 3-3 3
3. Şturm 2 1 0 1 2-2 3
4. Rakuv 2 0 0 2 0-3 0
26 oktyabr: Şturm – Atalanta, Rakuv – Sportinq.

E qrupu
Liverpul (İngiltərə) - Yunion (Belçika) 2:0
Qravenberx, 44. Jota, 90+2.
Liverpul: Alisson, Simikas, Aleksander-Arnold (C.Qomes, 63), Konate, Kuansa, Endo (A.Makallister, 46), Qravenberx (Soboslai, 79), Elliott, M.Salah (Cons, 46), Jota, Nunyes (L.Dias, 46).
Tuluza (Fransa) - LASK (Avstriya) 1:0
Suaso, 31.
1. Liverpul 2 2 0 0 5-1 6
2. Tuluza 2 1 1 0 2-1 4
3. Yunion 2 0 1 1 1-3 1
4. LASK 2 0 0 2 1-4 0
26 oktyabr: Liverpul – Tuluza, Yunion – LASK.

F qrupu
Vilyarreal (İspaniya) - Renn (Fransa) 1:0
Sörlot, 36.
Vilyarreal: Reyna, Femenya, Mandi, Moreno (Albiol, 85), Qabbya, Kapue, Parexo, Trigeros (Komesanya, 74), Baena (Pedrasa, 57), Pino (Morales, 57), Sörlot (Terrats, 85).
Renn: Mandanda, Omari, Teate, Trüffer, G.Due, Burijo (Le Fee, 73), Santamariya (Matiç, 73), Blyas, D.Due (Terrye, 81), Yıldırım (Kalimuendo. 64), İ.Salah (Quiri, 64).
Makkabi (Hayfa, İsrail) - Panatinaikos (Yunanıstan) 0:0
1. Panatinaikos 2 1 1 0 2-0 4
2. Vilyarreal 2 1 0 1 1-2 3
3. Renn 2 1 0 1 3-1 3
4. Makkabi H 2 0 1 1 0-3 1
26 oktyabr: Vilyarreal – Makkabi H, Panatinaikos - Renn.

G qrupu
Roma (İtaliya) - Servett (İsveçrə) 4:0
Lukaku, 21. Belotti, 46; 59. Pelleqrini, 52.
Roma: Svilar, Çelik, Mançini (Karsdrop, 64), Ndika, Kristante, Paredes, Auar (Pelleqrini, 46/Paqano, 58), Bove (D’Alessio, 77), Əl-Şaaravi, Lukaku (Zalevski, 64), Belotti.
Slaviya (Çexiya) - Şerif (Moldova) 6:0
Xitil, 4; 71. Oqbu, 7. Qarananqa, 39-öz qapısına. Şrants, 47. Doudera, 58.
1. Slaviya 2 2 0 0 8-0 6
2. Roma 2 2 0 0 6-1 6
3. Servett 2 0 0 2 0-6 0
4. Şerif 2 0 0 2 1-8 0
26 oktyabr: Roma – Slaviya, Şerif - Servett.

H qrupu
Molde (Norveç) - Bayer-04 (Almaniya) 1:2
Breyvik, 87 – Frimponq, 14. Tella, 18.
Molde: Karlström, Hauqen (Kappis, 80), Haqelskyar, Öyvann, Lövik, Eykrem (Qulbrandsen, 67), Hestad (Kitolano, 68), Ellinqsen, Eriksen, Kaasa (Qrödem, 80), Breyvik.
Bayer-04: Kovarj, Ta, Frimponq (Kossunu, 90+1), Tapsoba (Qrimaldo, 70), Stanişiç, İnkapye, Caka, Andrix, Tella (Hofmann, 70), Qlojek (Bonifas, 83), Adli (Virts, 83).
Həkken (İsveç) - QARABAĞ 0:1
Juninyo, 70.
1. Bayer-04 2 2 0 0 6-1 6
2. QARABAĞ 2 2 0 0 2-0 6
3. Molde 2 0 0 2 1-3 0
3. Həkken 2 0 0 2 0-5 0
26 oktyabr: Bayer-04 - QARABAĞ, Molde - Həkken.
Bombardir: Joao Pedro (Brayton) - 3.