Noyabrın 3-də Avropa Liqasının (AL) qrup mərhələsinin 6-cı turu keçirildi.

"Football-plus.az" xəbər verir ki, bununla da qitənin “ikinci dərəcəli” klub turnirində bu mərhələyə yekun vuruldu. Həlledici turda 16 matçın hamısında hesabın açılması diqqəti ilk növbədə cəlb edən faktdı. Qeyd edək ki, 6 turda baş tutan 96 oyunda yalnız iki dəfə qolsuz heç-heçə qeydə alınıb. Qrup mərhələsində qapı torlarının silkələnmədiyi oyunlar Bakıda və Qratsda baş tutub: G qrupunun “Qarabağ” - “Olimpiakos” və F qrupunun “Şturm” – “Latsio” matçları başladığı hesabla nəticələnib.