Avropa Liqasında pley-offun cavab matçlarından sonra qrup mərhələsinin son iştirakçıları da müəyyənləşib.

"Football-plus.az" xəbər verir ki, turnirin bu mərhələsində 32 komanda mübarizə aparacaq. Onların arasında Azərbaycan təmsilçisi "Qarabağ" da var.

Qrup mərhələsinin püşkatma mərasimi sabah keçiriləcək və Bakı vaxtı ilə saat 15.00-da başlayacaq.

Hər birində 4 iştirakçı olmaqla 8 qrup təşkil ediləcək. Qrupun qalibi 1/8 finala birbaşa vəsiqə qazanacaq, 2-ci yeri tutan həmin mərhələdə oynamaq üçün Çempionlar Liqasının 3-cüsü ilə yarışacaq. Avropa Liqasının 3-cüsü isə avrokubokda mübarizəni Konfrans Liqasının pley-off mərhələsindən (1/16 final) davam etdirəcək.

32 klubdan 12-si qrup mərhələsinə birbaşa vəsiqə qazanıb. Digər 20 iştirakçı AL-in ilkin pley-off mərhələsinin qalibləri və Çempionlar Liqasının pley-off mərhələsinin məğlublarıdı.

Qrup mərhələsinin bütün iştirakçıları:

"Qarabağ"
Avstriya: "Şturm", LASK
İngiltərə: "Brayton", "Liverpul", "Vest Hem"
İspaniya: "Betis", "Vilyarreal"
Fransa: "Olimpik", "Renn", "Tuluza"
İtaliya: "Atalanta", "Roma"
Almaniya: "Frayburq", "Bayer"
Yunanıstan: "Panatinaikos", "Olimpiakos", AEK
İsrail: "Makkabi" Hayfa
Norveç: "Molde"
Portuqaliya: "Sportinq"
Serbiya: "Baçka-Topola"
İsveçrə: "Servett"
Niderland: "Ayaks"
Beliça: "Yunion"
Kipr: "Aris"
Moldova: "Şerif"
Çexiya: "Sparta", "Slaviya"
İsveç: "Hakken"
Polşa: "Rakov"
Şotlandiya: "Reyncers"