Sentyabrın 21-də Avropa Liqasının (AL) 2023/24 mövsümünün qrup mərhələsinə start verildi. Beləliklə, qitənin “ikinci dərəcəli” klub turnirində əsas mərhələnin həyəcanı yaşanmağa başladı!

"Football-plus.az" xəbər verir ki, cari mövsüm də son illər qüvvədə olan format əsasında keçiriləcək. Başqa sözlə, AL-in qrup mərhələsində yenə 32 iştirakçının mübarizəsinə şahidlik edəcəyik. Sıralarında “Qarabağ”ın da olduğu 10 komanda (Qarabağ, Ayaks, Şerif, Yunion, Sparta, Həkken, LASK, Aris, Slaviya, Olimpiakos) turnirin pley-off mərhələsinin qalibləri, 6-sı (Panatinaikos, Reyncers, AEK, Molde, Rakuv, Makkabi H) Çempionlar Liqasının pley-off mərhələsinin məğlublarıdı. 16 komanda (Vest Hem, Frayburq, TSÇ, Marsel, Brayton, Betis, Atalanta, Sportinq, Şturm, Liverpul, Tuluza, Vilyarreal, Renn, Roma, Servett, Bayer-04) isə AL-in qrup turnirinə birbaşa vəsiqə qazanıb. Bu mərhələdə, 21 ölkə müxtəlif sayda komanda ilə təmsil olunub. İngiltərə, Fransa, Yunanıstan qruplara daha çox sayda - 3 komanda çıxarıb. Almaniya, İtaliya, İspaniya, Avstriya və Çexiya hərəyə 2 klubla təmsil olunarkən, Azərbaycan, Niderland, Portuqaliya, Şotlandiya, Cənubi Kipr, Belçika, Polşa, Serbiya, İsrail, Moldova, İsveçrə, İsveç və Norveçin daxil olduğu 13 ölkənin azarkeşləri dekabrın ortalarına qədər bir yerli komandaya görə həyəcan yaşayacaqlar. Türkiyə, Xorvatiya, Ukrayna, Rumıniya, Bolqarıstan, Slovakiya, Macarıstan və Danimarka kimi ölkələrin qrup mərhələsində təmsil olunmadığını xüsusi vurğulamalıyıq. Rusiya klubları isə ümumiyyətlə, cari avrokubok mövsümündə iştirak etmirlər. Çünki Rusiyanın Ukraynaya hərbi təcavüzü UEFA-nı 2022-ci ilin mayında şimal qonşumuzun komandalarının qitə kuboklarının ötən mövsümündə iştirakına qadağa qoymağa vadar edib. Təcavüz davam etdiyindən bu qadağa qüvvədə qalır.

Bu yerdə reqlamenti də xatırladaq. İştirakçılar 8 qrupda ikidövrəli sistemlə mübarizə aparacaqlar. Qrupların qalibləri olacaq 8 komanda birbaşa 1/8 finalda oynamaq huququ qazanacaq. İkinci yeri tutacaq komandalar AL-in 1/8 finalına vəsiqə qazanmaq uğrunda Çempionlar Liqasının qruplarını 3-cü yerdə başa vuracaq iştirakçılarla pley-off oyunları keçirəcəklər. Qrup üçüncüləri isə Konfrans Liqasının qruplarında mübarizəni 2-ci yerdə bitirəcək klublarla bu turnirin 1/8 finalda oynamaq huququ uğrunda oyunlarda qarşılaşacaqlar.

1-ci turda qeydə alınan nəticələrə gəlincə, 16 matçın hamısında hesabın açılması diqqəti ilk növbədə cəlb edir. Başqa sözlə, startda qolsuz “sülh” qeydə alınmadı. Ən məhsuldar oyun isə Niderlandda baş tutdu. B qrupunun “Ayaks” – “Marsel” matçında qapı torları 6 dəfə silkələndi: dramatik keçən duel 3:3 hesabı ilə nəticələndi.

Qitənin bəzi aparıcı liqalarının təmsilçiləri qrup turnirinə uğursuz başladılar. “Brayton”un öz meydanında AEK-ə (Yunanıstan) 2:3 hesabıyla uduzması diqqəti cəlb edən nəticə oldu. Hazırda premyer-liqada 5 oyuna 12 xalla 5-ci yerdə olan Roberto De Zerbinin komandası avrokuboklara məğlubiyyətlə başladı. Qeyd edək ki, “qağayılar” 1994/95 mövsümündən başlayaraq qitə kubokunun debüt oyununda uduzan ilk İngiltərə klubudu. 29 il əvvəl “Blekbern” beynəlxalq kampaniyaya “Trelleborq”a məğlubiyyətlə (0:1) start vermişdi. Maraq üçün AEK-in 1977-ci ildən sonra İngiltərə klubuna ilk dəfə qalib gəldiyini də bildirək.

İspaniyanın hər iki klubu da qrup mərhələsinə məğlubiyyətlə başladı. “Reyncers” Şotlandiyada “Betis”i bir, “Panatinaikos” isə Yunanıstanda “Vilyarreal”ı iki cavabsız qolla üstələdi. “Vilyarreal”ın turnirin 2020/21 mövsümünün qalibi olduğunu xatırladaq.

Sevindiricidi ki, yeganə təmsilçimiz “Qarabağ” Bakıda “Molde”nin qapısından bir cavabsız top keçirməklə qrup mərhələsinə qalib kimi başladı. Azərbaycanın son çempionunun yarışdığı H qrupunda keçirilən digər matçın nəticəsi gözlənilən kimi oldu. Almaniyada “Həkken”ni 4:0 hesabıyla məğlub edən “Bayer-04” matçın nəticəsini praktiki olaraq ikinci hissənin ortalarında müəyyən etdi. Leverkuzenlilərin bundesliqada ilk 4 turdan sonra 10 xal toplamaqla “Bavariya” ilə şərikli liderliyə nail olduqlarını da bildirək. “Qarabağ”növbəti turda İsveçdə “Həkken”nin qonağı olacaq.

Sonda postsovet məkanından olan daha bir komandanın nəticəsini də diqqətinizə çatdırırıq. Moldovanın dəyişməz çempionu olan “Şerif” evdə turnirin son finalçısı “Roma”ya uduzdu (1:2).

qrup mərhələsi, 1-ci tur
A qrupu
Vest Hem (İngiltərə) - TSÇ (Serbiya) 3:1
Petroviç, 66-öz qapısına. Kudus, 70. Souçek, 82 – Staniç, 48.
Vest Hem: Fabianski, Oqbonna, Kressuell (Emerson, 46), Kerer, Mavropanos, Uord-Prouz, Fornals (Antonio, 65), Paketa (Korne, 86), Kudus, İnqz (Souçek, 77), Benrahma.

Olimpiakos (Yunanıstan) - Frayburq (Almaniya) 2:3
Əl-Kaabi, 40; 75 – Şolloi, 9. Qrifo, 45+7-p. Filipp, 86.
Frayburq: Atubolu, Kübler, Ginter, Linhart, Şmidt (Sildilia, 55), Höfler, Qrifo (Veyshaupt, 76), Eqqeştayn, Şolloi (Filipp, 76), Doan (Adamu, 90+2), Höler (Keyter, 90+2).
Növbəti turun oyunları oktyabrın 5-də keçiriləcək: Frayburq - Vest Hem, TSÇ – Olimpiakos.

B qrupu 
Ayaks (Niderland) - Marsel (Fransa) 3:3
Borjeş, 9. Berqheys, 20. Teylor, 52 – Kloss, 23. Obameyanq, 38; 78.
Marsel: P.Lopes, Kloos, Mbemba, Jiqo, Lodi (Balerdi, 84), Kondoqbia (Vitinya, 65), Ronjye, Harit (Muqe, 79), Unahi, Obameyanq (Korrea, 79), Ndiaye (Veretu, 65).
Brayton (İngiltərə) - AEK (Yunanıstan) 2:3
Joao Pedro, 30-p.; 67-p. – Sidibe, 11. Qaçinoviç, 40. Ponse, 84.
Brayton: Stil, Estupinyan, İqor, Van Hekke, Milner (Lempti, 55), Qross, Març, Gilmor (Buonanotte, 86), Mitoma (Adinqra, 86), Fati, Joao Pedro (Uelbek, 82).
5 oktyabr: Marsel – Brayton, AEK – Ayaks.

C qrupu
Reyncers (Şotlandiya) - Betis (İspaniya) 1:0
Sima, 68.
Betis: Bravo, Pesselya, Bartra, Belyerin, Abner, İsko (Diae, 88), Roka, G.Rodriges, İqlesias (Villian, 88), Ezzalzuli (Rodri, 72), Luis Enrike (Peres, 72).
Sparta (Çexiya) - Aris (Cənubi Kipr) 3:2
Kreyçi, 20; 25. Vitik, 67 – Kokorin, 11-p. Babika, 90.
5 oktyabr: Betis – Sparta, Aris – Reyncers.

D qrupu
Atalanta (İtaliya) - Rakuv (Polşa) 2:0
De Ketelare, 49. Ederson, 66.
Atalanta: Musso, Toloy, Cimşiti, Zappakosta (Holm, 76), Skalvini, Rucceri, De Roon (Ederson, 62), Koopmeyners, De Ketelare (Bakker, 90+2), Muriel (Mirançuk, 62), Lukmen (Paşaliç, 72).
Şturm (Avstriya) - Sportinq (Portuqaliya) 1:2
Bevinq, 58 – Dyekereş, 76. Diomande, 84.
5 oktyabr: Sportinq – Atalanta, Rakuv – Şturm.

E qrupu
LASK (Avstriya) – Liverpul (İngiltərə) 1:3
Fleker, 14 – Nunyes, 56-p. Dias, 63. M.Salah, 88.
Liverpul: Kelleher, Van Diyk, Simikas, Konate (Matip, 82), Endo (Mak Allister, 61), Qravenberx (M.Salah, 74), Elliott, Bayçetiç (C.Qomes, 61), Dias, Nunyes, Doak (Soboslai, 61).
Yunion (Belçika) - Tuluza (Fransa) 1:1
Amura, 69 – Dallinqa, 45+3-p.
5 oktyabr: Liverpul – Yunion, Tuluza – LASK.

F qrupu
Panatinaikos (Yunanıstan) - Vilyarreal (İspaniya) 2:0
Yannidis, 38. Şporar, 78.
Vilyarreal: Reyna, Femenya, Mandi, Qabbya, Kapue, D.Suares (Pino, 29), Trigeros (Moreno, 61), Pedrasa, Komesanya (Parexo, 61), Morales (Baena, 77), Brereton (Sörlot, 61).
Renn (Fransa) - Makkabi (Hayfa, İsrail) 3:0
Blyas, 1. Trüffer, 31. Yıldırım, 56.
Renn: Mandanda, Omari, Teate, Trüffer, Assinyon, Matiç (Santamariya, 69), Burijo, Blyas (Lamburd, 83), Due, Yıldırım (Quiri, 70), İ.Salah (Rider, 73).
5 oktyabr: Vilyarreal – Renn, Makkabi H – Panatinaikos.

G qrupu
Şerif (Moldova) - Roma (İtaliya) 1:2
Tovar, 57 – Paredes, 45+4. Lukaku, 65.
Roma: Svilar, Lyorente, Karsdrop, Mançini, Ndika, Kristante, Sanşeş (Paredes, 28), Auar (Bove, 61), Zalevski (Spinatsola, 61), Əl-Şaaravi (Dibala, 61), Lukaku (Belotti, 80).
Servett (İsveçrə) - Slaviya (Çexiya) 0:2
Masopust, 32. Oqbu, 59.
5 oktyabr: Roma – Servett, Slaviya – Şerif.

H qrupu
Bayer-04 (Almaniya) - Həkken (İsveç) 4:0
Virts, 10. Adli, 16. Bonifas, 66. Hofmann, 70.
Bayer-04: Kovarj, Qrimaldo, Tapsoba (İnkapye, 72), Ta, Stanişiç, Caka (Andrix, 78), Tella (Hofmann, 72), Palasios, Virts (Frimponq, 72), Adli, Bonifas (Qlojek, 71).
Həkken: Abrahamsson, Hovland, Sandberq (Totland, 76), Lunddal Fridriksson, Ousu (Hammar, 76), Riqaard, Samuel Qustafson, Simon Qustafson (Hrstiç, 71), Amane (Dabo, 71), Layuni, Çilufya (Sonko, 71).
QARABAĞ (AZƏRBAYCAN) - Molde (Norveç) 1:0
Leandro Andrade, 56.
5 oktyabr: Molde - Bayer-04, Həkken – QARABAĞ.

Bombardirlər: Joao Pedro (Brayton), Kreyçi (Sparta), Obameyanq (Marsel), Əl-Kaabi (Olimpiakos) - 2.