H qrupu
Portu – Barselona 0:1 (0:1)
Portu (Portuqaliya): D.Koşta, Mario (Niko, 85), Kardoso, Karmu, Vendell, Baru (Evanilson, 64), Varela (Konseysao, 85), Euştakio, Qaleno (Xayme, 85), Pepe Akino, Taremi (Louder, 85).
Barselona (İspaniya): Ter Ştegen, Kanselo, Arauxo, Kunde, Balde, Gündoğan, Romeu (Roberto, 69), Qavi, Yamal (Alonso, 80), Levandovski (Torres, 34), Feliş (Lopes, 69).
Qol: Torres, 45+1.
Vərəqələr: Kanselo, 13. Arauxo, 28. Kardoso, 28. Qavi, 36. Kunde, 47. Feliş, 51. Roberto, 86 – sarı. Qavi, 90+3 – qırmızı (ikinci sarı).
Hakim: Entoni Teylor (İngiltərə).
4 oktyabr. Portu. 49722 tamaşaçı.
oyunun statistikası
13 (5) qapıya (“çərçivə”yə) zərbə 14 (3)
6 künc zərbəsi 6
1 ofsayd 1
5 qayda pozuntusu 18
1 (0) sarı (qırmızı) vərəqə 7 (1)
40 topa sahibolma (faizlə) 60

“Portu” ilə səfər oyunu “Barselona” üçün çətin alındı.

"Football-plus.az" xəbər verir ki, “əjdahalar” favoritə “dişini göstərdi”, hətta qapıya zərbələrin sayında rəqibi üstələdi də. İlk yarı qarşılıqlı hücumlar şəraitində keçdi. “Barsa”dan Feliş fərqlənməyi çox istəsə də, dəqiqlik çatmadı. Elə meydan sahibləri də eyni çatışmazlıqdan əziyyət çəkdi. Hər halda, tamaşaçılar ilk yarıda qol gördü. Hissənin sonunda qonaqlar Barunun səhvindən yararlandı. Gündoğanın qapı önünə çıxardığı Torres hesabı açdı. Ferran bundan 11 dəqiqə əvvəl – zədələnən Levandovskinin yerinə meydana çıxmışdı.

2-ci hissədə “Portu” qonaqlarla müqayisədə irəlidə daha yaxşı təsir bağışladı. Onlar hesabı qorumaq üçün oynayırdı. Demək olar ki, bütün müdafiəçiləri sarı vərəqə aldı. Ter Ştegen də dəfələrlə ustalığını göstərməli oldu. Sonluq kataloniyalılar üçün çox əsəbi alındı. Əvvəlcə onlar Kanselonun əllə oynamasına görə az qala penalti ilə cəzalanacaqdılar. Sadəcə, VAR-ın müdaxiləsindən sonra bir qədər əvvəl Euştakionun əllə oynadığını müəyyənləşdirən Teylor qərarını dəyişdi. Ardından Tareminin qolu qeydə alınmadı, Qavi meydandan qovuldu. Minimal üstünlüyü qoruyan kataloniyalılar Xavinin rəhbərliyi altında keçirdiyi 100-cü oyunda qələbə qazandı.

Antverp – Şaxtyor 2:3 (2:0)
Antverp (Antverpen, Belçika): Byute, Bataye, Alderveyreld, Kulibali, Veyndal (İlenihena, 83), Vermeeren, Keyta (Yusuf, 83), Ekkelenkamp (Valensiya, 74), Muyya (Van de Bosh, 87), Yanssen, Balikvişa.
Şaxtyor (Donetsk, Ukrayna): Riznık, Konoplya, Rakitski, Matviyenko, Azarov, Stepanenko, Nazarina, Sudakov, Zubkov, Krıskiv, Sikan (Şved, 87).
Qollar: Muyya, 3 (1:0). Balikvişa, 33 (2:0). Sikan, 48 (2:1). Rakitski, 71 (2:2). Sikan, 76 (2:3).
Alderveyreld 90+7-ci dəqiqədə penaltidən yararlana bilməyib (yan).
Vərəqələr: Keyta, 12. Konoplya, 36. Yanssen, 37. Rakitski, 66. Sikan, 82. Alderveyreld, 90+1 – sarı.
Hakim: Rade Obrenoviç (Sloveniya).
4 oktyabr. Dorn. 13509 tamaşaçı.

oyunun statistikası
13 (5) qapıya (“çərçivə”yə) zərbə 16 (6)
2 künc zərbəsi 4
3 ofsayd 2
7 qayda pozuntusu 7
3 (0) sarı (qırmızı) vərəqə 3 (0)
53 topa sahibolma (faizlə) 47
0:2 geri düşən “şaxtaçılar” inanılmaz geridönüşə imza atdı. Qonaqların start təzyiqini dəf edən “Antverp” elə ilk hücumda hesabı açdı. İlk yarının ortalarında qonaqlar biq qədər fəallaşsa da, 33-cü dəqiqəyə qədər hesab dəyişmədi. Məhz həmin anda təkbətək çıxan Balikvişa fərqi artırdı. 2-ci hissədə mübarizənin axarı tam fərqli xarakter aldı. 48-ci dəqiqədə Sudakov güclü zərbə ilə dirəyi titrətdi, ardından Alderveyreldlə mübarizədən qalib ayrılan Sikan toru silkələdi. 71-ci dəqiqədə isə hesab bərabərləşdi. Rakitskinin cərimə zərbəsindən sonra Balakvişadan səkən top qapıçını yanıltdı. Amma bu da son deyildi. 76-cı dəqiqədə Sikan belçikalıların cərimə meydançasındakı qarışıqlıqdan yararlandı. Meydan sahiblərinin qəzavü-qədərdən qaçmaq şansı var idi. Ancaq kapitan Alderveyreld final fiti ərəfəsinə penaltini boşa verdi.

1. Barselona 2 2 0 0 6-0 6
2. Portu 2 1 0 1 3-2 3
3. Şaxtyor 2 1 0 1 4-5 3
4. Antverp 2 0 0 2 2-8 0
25 oktyabr: Barselona – Şaxtyor, Antverp - Portu.

Faktlar
* “Barselona”nın vingeri Yamal Çempionlar Liqasının tarixinə start heyətində yer alan ən gənc oyunçu kimi düşdü. Oyun günü o, 16 yaş 83 günlük idi. Bu göstəricidə əvvəlki rekord “Anderlext”in sabiq oyunçusu Selestin Babayoraya məxsus idi – nigeriyalı 16 yaş 86 günlüyündə ilk dəfə start heyətində görünmüşdü.
* “Barselona” Xavinin rəhbərliyi altında 100-cü oyuna çıxdı. O, klub tarixinə bu göstəriciyə çatan 11-ci baş məşqçi kimi düşdü. 2021-in noyabrından bəri kataloniyalılara rəhbərlik edən Xavinin ilk 100 oyun üçün göstəricisi belədi: 64 qələbə, 17 heç-heçə, 19 məğlubiyyət.
Bombardirlər: Alvares (MS), Heylunn (MY) – 3.