“Mançester Yunayted”in cari mövsümdəki çıxışı zəif olduğu üçün Erik ten Haqın tezliklə postunu itirəcəyi ehtimal edilir.

Amma baş məşqçi zəif nəticələrə baxmayaraq, yaxın vaxtlarda qovulmayacaq. “The Guardian” qəzetinin məlumatına görə, rəhbərlik niderlandlı mütəxəssisə inanır və onun uzunmüddətli perspektivdə komandanı yeni səviyyəyə qaldırmağa qadir olduğunu düşünür. Ten Haqın klubdakı mövqeyi hələ də möhkəmdi. Baş məşqçinin çoxlu sayda zədədən şikayət etməməsinə baxmayaraq, rəhbərlik hesab edir ki, bu məsələdə çalışdırıcı və klubun bəxti gətirməyib. Qeyd edək ki, hazırda komandanın 12 futbolçusu zədəlidi.

Xatırladaq ki, MY premyer-liqada keçirdiyi 7 oyunda 9 xal toplayıb və 10-cu yerdədi. Komanda Çempionlar Liqasının qrup mərhələsinin 2 oyunundan sonra A qrupunda sonuncu yeri tutur.