MBA-nın əfsanəsi Maykl Cordan idmançılar arasında “Forbes 400” siyahısına düşən ilk şəxs olub.

"Football-plus.az" xəbər verir ki, dünyanın ən nüfuzlu və məşhur maliyyə-iqtisadi nəşrlərindən birinin tərtib etdiyi bu reytinqə ABŞ-ın ən zəngin adamlarının adı salınır.

Yaxınlarda “Şarlott”dakı payını satan Cordanın kapitalı 3 milyard dollar təşkil edir. İyunda isə MBA-nın altıqat çempionunun sərvəti 2 milyard dollar həcmində dəyərləndirilirdi.

Cordan MBA-da keçirdiyi 15 mövsüm ərzində 94 milyon dollar qazanıb, 1997-98-ci illərdə liqanın ən yüksək ödənişli oyunçusu olub. Mayklın əsas gəlirləri isə parketdən kənardakı fəaliyyəti sayəsində formalaşıb: “McDonald’s”, “Gatorade”, “Hanes” və “Nike” kimi dünya brendləri ilə çalışmaqla təxminən 2,4 milyard dollar qazanıb. 60 yaşlı Cordan avqustda ümumilikdə 3 milyard dollara dəyərləndirilən “Hornets”in səhmlərinə nəzarət paketi ilə vidalaşanda daha böyük uğura nail olub. Bu məbləğ Cordanın klubun sahibi olduğu 2010-cu illə müqayisədə “Şarlott”un qiyməyinin 17 dəfə artdığımı göstərir.